فوتو: قارجى مينيسترلىگىنىڭ مەملەكەتتىك كىرىستەر كوميتەتى
شاراعا قارجى جانە ۇلتتىق ەكونوميكا مينيسترلىكتەرى, مەملەكەتتىك كىرىستەر كوميتەتى وكىلدەرىنىڭ, سونداي-اق «اتامەكەن» ۇكپ تورالقا توراعاسى رايىمبەك باتالوۆ پەن قر كاسىپكەرلەرىنىڭ قۇقىقتارىن قورعاۋ جونىندەگى ۋاكىل قانات نۇروۆ, «قازالكوتاباك» جانە «QazSpirits» قاۋىمداستىقتارىنىڭ وكىلدەرى قاتىستى.
قارجىلىق مونيتورينگ اگەنتتىگىنىڭ ءباسپاسوز قىزمەتىنىڭ مالىمەتىنشە قما سوڭعى 4 جىلدا (2021-2024 جج.) الكوگول ءونىمىنىڭ زاڭسىز اينالىمىنا بايلانىستى 282 قىلمىستى تىركەگەن. سۋرروگات الكوگول وندىرەتىن 123 جاسىرىن تسەح انىقتالىپ, 3,3 ملن-نان استام بوتەلكە, 720 مىڭ ليتر سپيرت جانە قۇرامىندا ءسپيرتى بار سۇيىقتىق, 640 مىڭ جالعان ەبم تاركىلەنگەن.
الكوگول ءونىمىنىڭ كولەڭكەلى اينالىمىنا قارسى تۇرۋعا باعىتتالعان قما ۇسىناتىن شارالاردىڭ ءبىرى – 2026 جىلعا جوسپارلانعان تاڭبالاۋ مەن قاداعالاۋدى ەنگىزۋدى جەدەلدەتۋ, سونداي-اق بۇكىل ءوندىرىس پروتسەسىن تسيفرلاندىرۋ بولىپ تابىلادى.
قاتىسۋشىلار اگەنتتىكتىڭ ادال كاسىپكەرلەردى قورعاۋ بويىنشا اتقارىلعان جۇمىستاردى, سونداي-اق تالدامالىق قۇرالداردى پايدالانا وتىرىپ جۇزەگە اسىرىلاتىن الدىن الۋ قىزمەتىن اتاپ ءوتىپ, ايتىلعان ۇسىنىستاردى ودان ءارى ىسكە اسىرۋدىڭ ماڭىزدىلىعىن اتاپ ءوتتى.
دوڭگەلەك ۇستەل سوڭىندا قاتىسۋشىلار كولەڭكەلى ەكونوميكاداعى اكتسيزدەلەتىن ءونىم اينالىمىنا قارسى ءىس-قيمىل جاساۋ ماقساتىندا بارلىق مۇددەلى تاراپتاردىڭ قاتىسۋىمەن ۆەدومستۆوارالىق جۇمىس توبىن قۇرۋ تۋرالى شەشىم قابىلدادى.
