فوتو: عىلىم جانە جوعارى ءبىلىم مينيسترلىگى ءباسپاسوز قىزمەتى
كەزدەسۋ بارىسىندا ساياسات نۇربەك مەملەكەت باسشىسىنىڭ قازاقستاننىڭ جوعارى ءبىلىم جانە عىلىم جۇيەسىن دامىتۋ جانە نىعايتۋ ماقساتىندا جۇرگىزىپ جاتقان رەفورمالارى تۋرالى ايتىپ بەردى. ونىڭ ىشىندە ورتالىق ازيادا ءبىلىم بەرۋ حابىن قۇرۋ جوسپارلارى تۋرالى.
«استانادا سoventry University Kazakhstan اشىلۋى – تاريحي وقيعا. مەملەكەت باسشىسىنىڭ تاپسىرماسىن ورىنداۋ ماقساتىندا ىسكە قوسىلعان زاماناۋي جاڭا كامپۋس استانا ءبىلىم حابىنىڭ قالىپتاسۋىنا بەرىك نەگىز قالايتىنى انىق. جاڭادان اشىلعان Coventry University Kazakhstan وقۋ ورنى جوعارى ءبىلىم مەن عىلىم جۇيەسىن دامىتۋعا, ۇزدىك شەتەلدىك وقىتۋشىلار, تاجىريبەلى ماماندار مەن دارىندى ستۋدەنتتەردى تارتۋعا, ەلوردادا جاڭا جۇمىس ورىندارىن اشۋعا تىڭ سەرپىن بەرەتىنىنە سەنىمدىمىن. استاناداعى Coventry ۋنيۆەرسيتەتى قازاقستاندىق جانە شەتەلدىك ستۋدەنتتەرگە جەرگىلىكتى جانە حالىقارالىق ەڭبەك نارىعىنىڭ باسەكەگە قابىلەتتى مامانى بولۋ ءۇشىن بريتاندىق ديپلوممەن راستالعان وزىق ءبىلىم مەن داعدىلاردى الۋدىڭ بىرەگەي مۇمكىندىگىن ۇسىنادى», دەدى مينيستر.
ۆەدومستۆو باسشىسىنىڭ كەزدەسۋى «سۇراق-جاۋاپ» فورماتىنداعى دارىسكە ۇلاسىپ, كەزدەسۋگە قاتىسۋشىلار مينيسترمەن ديالوگقا بەلسەندى قاتىستى.
مينيستر جاستارمەن ءوزارا تۇسىنىستىك پەن ىنتىماقتاستىقتى جاقسارتۋ ءۇشىن ستۋدەنتتەرمەن مۇنداي كەزدەسۋلەر مەن ديالوگتاردىڭ قاجەت ەكەنىن, بەيرەسمي ورتاداعى قارىم-قاتىناس ءوزارا تۇسىنىستىككە قول جەتكىزۋگە كومەكتەسەتىنىن اتاپ ءوتتى.
