فوتو: Aeroht.com
قىتايلىق باسىلىم مالىمەتىنشە, زاۋىتتىڭ اۋماعى - 10 مىڭ گەكتار جانە قىتايدىڭ وڭتۇستىگىندەگى گۋانچجوۋ پروۆينتسياسىندا سالىنىپ جاتىر. مۇندا الەمدە العاش رەت ۇشاتىن اۆتوكولىكتەردىڭ جاپپاي ءوندىرىسى قولعا الىنادى. العاشقى كەزەڭدە زاۋىتتىڭ وندىرىستىك قۋاتى جىلىنا 10 مىڭ اۆتوكولىككە جەتەدى دەپ جوسپارلانعان.
XPeng كومپانياسى Aeroht ۇشاتىن اۆتوكولىگى 2024 جىلدىڭ سوڭىندا باعاسى 2 ميلليون يۋانعا (120 ملن تەڭگە) دەيىن الدىن الا تاپسىرىستى باستاۋدى جوسپارلاپ وتىر, ال سەريالى ءوندىرىس پەن العاشقى جەتكىزۋلەر 2026 جىلى جۇزەگە اسىرىلادى.
Aeroht ۇشاتىن كولىك مودەلى 12-17 قاراشا ارالىعىندا چجۋحاۋدا وتەتىن Airshow China اۆياسالونىندا تانىستىرىلادى.
ەسكە سالا كەتەيىك, بۇعان دەيىن قىتايدىڭ گۋانچجوۋ قالاسىندا ۇشقىشسىز اۋە تاكسيى سىناقتان وتكىزىلدى.
قىتايداعى تانىستىرىلىمدا سىناق رەيسى ورىندالدى. اۋە كولىگىن جەرگىلىكتى EHang Holdings Ltd كومپانياسى قۇراستىرعان. بۇل الەمدەگى العاشقى ۇشقىشسىز ۇشاتىن كوممەرتسيالىق ەلەكتروتاكسي بولماق.
