تالدىقورعاندا «جاستار» ساياباعىنداعى تۋ تۇعىرى الدىندا وتكەن سالتاناتتى ءىس-شاراعا وبلىس اكىمى بەيبىت يساباەۆ, زيالى قاۋىم وكىلدەرى, مەملەكەتتىك قىزمەتشىلەر, دەپۋتاتتار, وڭىردەگى مەكەمە-ۇيىمداردىڭ, اسكەري سالانىڭ, قۇقىق قورعاۋ ورگاندارىنىڭ قىزمەتكەرلەرى, بەلسەندى جاستار, ۇكىمەتتىك ەمەس ۇيىمداردىڭ وكىلدەرى, قالا تۇرعىندارى, جالپى سانى مىڭعا جۋىق ادام قاتىستى.
پاتريوتتىق اكتسيا مەملەكەتتىك تۋدى سالتاناتتى تۇردە كوككە كوتەرۋدەن باستالدى. د. راقىشەۆ اتىنداعى وبلىستىق فيلارمونيانىڭ جانە «تالدىقورعان اۋەندەرى» فولكلورلى-ەتنوگرافيالىق ءانسامبلى انشىلەرىنىڭ, اسكەري قىزمەتكەرلەردىڭ, مەكتەپ وقۋشىلارىنىڭ, جالپى قاتىسۋشىلاردىڭ حورى اسكەري وركەستردىڭ سۇيەمەلدەۋىمەن مەملەكەتتىك گيمندى جاندى داۋىستا ورىندادى.
سالتاناتتى جيىندا پاتريوتتىق اندەر ورىندالدى.
اتاپ وتسەك, وسىنداي پاتريوتتىق اكتسيالار بۇگىن ءبىر مەزگىلدە وبلىستىڭ بارلىق اۋدان-قالالارىندا وتكىزىلدى.
