– پرەزيدەنت ءوز جولداۋىندا بۇقارالىق سپورتتى دامىتۋدىڭ ماڭىزدىلىعىن ايرىقشا اتاپ ءوتتى. وڭىردە بۇل باعىتتاعى جۇمىس وركەندى دەۋگە بولادى. جىل سايىن سپورت نىساندارى سانى كوبەيىپ كەلەدى. كەنت تۇرعىندارى بۇل كەشەندى كوپ كۇتتى. ەندى وسى جەردەن تۋىمىزدى بيىكتە جەلبىرەتەتىن چەمپيوندار شىعا بەرسىن! – دەدى ايماق باسشىسى.
كەشەندە بارلىق ينجەنەرلىك ينفراقۇرىلىم ەسكەرىلگەن. سپورتپەن شۇعىلدانۋعا قاجەتتى سپورت جابدىقتارىنىڭ ءبارى بار. مۇندا جاتتىعۋدان بولەك, شەبەرلىك ساباقتارى مەن جارىستار وتەدى. الداعى ۋاقىتتا ءتۇرلى سەكتسيالار اشۋ جوسپارلانىپ وتىر. ەندى اۋىل جاستارى فۋتبول, ۆولەيبول, باسكەتبول, كۇرەس, ۇستەل تەننيسى سىندى سپورتتىق ويىندارمەن ەمىن-ەركىن اينالىسا الادى.
– كەنتتە 10 مىڭنان اسا ادام تۇرادى. ونىڭ 30 پايىزدان استامى سپورتپەن بەلسەندى تۇردە شۇعىلدانادى. سپورت كەشەنى تولىق جابدىقتالعان. مەديتسينالىق پۋنكت, سپورتشىلاردىڭ دەمالىس بولمەسى, ءتۇرلى سپورت زالدار, ادىسكەرلەر كابينەتى بار. 18 جاسقا دەيىنگى سپورتشىلار مەن مۇمكىندىگى شەكتەۋلى جاندارعا سپورت سەكتسيالارى تەگىن. ال ستۋدەنتتەرگە 50 پايىز جەڭىلدىك قاراستىرىلعان, – دەدى سپورت عيماراتىنىڭ مەڭگەرۋشىسى عاليا مالىكقىزى.
توپار كەنتى الەمدىك ارەنالاردا ناتيجەلى ونەر كورسەتكەن سپورتشىلارىمەن جاقسى تانىمال. پاراليمپيادالىق ءجۇزۋشى اندرەي افاناسەۆ, اۋىر اتلەت دانيار سەيسەنوۆ, پاۋەرليفتەر قايرات ءىسجانوۆ, پولياتلونشى ءامىرلان يماشەۆ سەكىلدى بايراقتى باسەكەلەردە توپ جارىپ جۇرگەن سپورت ساڭلاقتارى بار. جاڭا سپورت كەشەنىندە جاتتىعاتىن جاس ۇرپاقتىڭ كۇنى ەرتەڭ سپورت جۇلدىزى اتانىپ, جارق ەتىپ شىعاتىنىنا نەگىز دە, سەنىم دە, ءۇمىت تە مول.
جالپى, اباي اۋدانىندا بۇقارالىق سپورت قارقىندى دامىپ كەلەدى. بۇگىنگى كۇنى 113 سپورت نىسانى جۇمىس ىستەيدى. جىل سوڭىنا دەيىن اۋداندا بوكستان ەكى ءىرى رەسپۋبليكالىق تۋرنير وتكىزۋ جوسپارلانعان.
قاراعاندى وبلىسى,
اباي اۋدانى,
توپار كەنتى
