ەركىندىك تۇستەس قازاق اسپانى

مەملەكەت باسشىسى قاسىم-جومارت توقاەۆ ايتقانداي, ءار قازاق وسى كۇننىڭ باعاسىن ءبىلۋى قاجەت. ونىڭ ۇستىنە, قوعام ىشىندە ادىلدىك ورناپ, ۇلتتىق قۇندىلىقتارىمىز قايتا ناسيحاتتالىپ جاتىر. ۇلتتىڭ ما­دەني ءومىرىنىڭ جاڭا تىنىسى اشىلدى.

شىنىندا, رەسپۋبليكا كۇنى ءوز ءمانىن قايتا تاپتى. بۇل جونىندە كوپتىڭ تولعانىستى پىكىرلەرى ۇلتتىق مەرەكەنىڭ ءمانى مەن ماڭىزىن اشا تۇسەرلىك دارەجەدە بولۋعا ءتيىس. ونىڭ ءتۇيىنى قازاق حال­قىنىڭ تاتۋلىعى, جەتكەن جەتىستىگى, ۇلتتىق ستراتەگيالىق مۇد­دەسىندە جاتىر. ءىرى تۇلعالار, قوعام قايراتكەرلەرى قالىڭ بۇ­قاراعا تاۋەلسىزدىكتىڭ ءمانىسىن اشىپ, وسى ۇعىمدى تاريحي تۇر­عىدا تەرەڭنەن تالداپ بەرۋى كەرەك. وسى كۇنى ەگەمەن ەلىمىزدىڭ كوگىندە ءبىزدىڭ مەنتاليتەتىمىزگە جاقىن, جۇرەگىمىزدى تەربەتىپ, جىلۋ بەرەتىن ءان-اۋەزدەر قالىقتاسا يگى. مەنىڭ تۇسىنىگىمدە, قازاق اسپانى ەركىندىكپەن بويالعان.

قازاق «جاقسى ءسوز – جارىم ىرىس» دەيدى, وسى كۇنى تىلەگىمىز – ءتۇزۋ, نيەتىمىز – اق, كوڭى­لىمىز كىر­شىكسىز قالىپتا وتانى­مىزبەن ماقتانايىق, بىرلىگىمىزدى نى­عايتايىق, ەلدىگىمىزدى تانىتايىق.

جانۇزاق ءمۇساپىر,

اباي اتىنداعى مەملەكەتتىك سىيلىقتىڭ لاۋرەاتى, سۋرەتشى