رەسپۋبليكا كۇنىنە وراي مەملەكەتتىك ماراپاتتاردى تاپسىرۋ سالتاناتىندا پرەزيدەنت قاسىم-جومارت توقاەۆ بولاشاقتاعى پروگرەسسيۆتى دامۋدىڭ نەگىزىن قۇرايتىن كوپ دەڭگەيلى ۇلتتىق ءبىلىم بەرۋ جۇيەسىن دامىتۋدىڭ ەرەكشە ماڭىزدىلىعىن اتاپ ءوتتى.
جىل سايىن مەملەكەت تاراپىنان پەداگوگيكالىق ەڭبەككە كوپ كوڭىل ءبولىنىپ جاتقانىن اتاپ ءوتۋ قاجەت جانە تاۋەلسىزدىك تاريحىندا تۇڭعىش رەت بىردەن ەكى مۇعالىم «قازاقستاننىڭ ەڭبەك ەرى» جوعارى اتاعىنا يە بولعانى كەزدەيسوق ەمەس. بۇل ءبىلىم بەرۋ سالاسىنداعى وڭ وزگەرىستەردىڭ جانە قوعامداعى پەداگوگ مارتەبەسىنىڭ ءوسۋىنىڭ كورسەتكىشى.
قازاقستاندىق سالالىق وقۋ-اعارتۋ, عىلىم جانە جوعارى ءبىلىم قىزمەتكەرلەرى سالالىق كاسىپوداعىنىڭ توراعاسى ايگۇل مۇقاشەۆا پرەزيدەنت جارلىعىمەن «قازاقستاننىڭ ەڭبەك ەرى» اتاعىن يەلەنگەن ورال قالاسىنداعى ا.تايمانوۆ اتىنداعى №34 مەكتەپ-گيمنازياسىنىڭ مۇعالىمى ەلمارا اسقارقىزى ترايسوۆامەن كەزدەستى.
ەلمارا اسقارقىزى ۇلكەن تاجىريبەسى بار مۇعالىم عانا ەمەس (شامامەن 35 جىل), سونىمەن قاتار مەكتەپ-گيمنازيانىڭ باستاۋىش كاسىپوداق ۇيىمىنىڭ توراعاسى.
وسكەلەڭ ۇرپاقتى تاربيەلەۋ مەن وقىتۋمەن قاتار, ول باتىس قازاقستان وبلىسىندا كاسىپوداق قوزعالىسىنىڭ دامۋىنا ەلەۋلى ۇلەس قوسىپ ءجۇر.
ايگۇل مۇقاشەۆا قۇرمەتتى ۇستازدى لايىقتى جوعارى مەملەكەتتىك ماراپاتىمەن قۇتتىقتاپ, ەڭبەكتە تابىس, جارقىن جەتىستىكتەر تىلەدى.
