فوتو: «قازاەروناۆيگاتسيا» رمك ءباسپاسوز قىزمەتى
16 قازاندا ىستانبۇلدا رەسمي قول قويۋ ءراسىمى ءوتتى, وعان ۇيىمنىڭ بارلىق مۇشەلەرى: تاجىكستان, وزبەكستان, قىرعىزستان, تۇركيا جانە ازەربايجان قاتىستى. SOCEA حالىقارالىق اەروناۆيگاتسيالىق ىنتىماقتاستىق پلاتفورماسى ۇشۋ قاۋىپسىزدىگىن قامتاماسىز ەتۋدىڭ وڭىرلىك ستراتەگياسىن ازىرلەۋ, انقك اراسىنداعى ىنتىماقتاستىقتى دامىتۋ, اقۇ قاۋىپسىزدىگىن باقىلاۋ جۇيەسىن ءتيىمدى ەنگىزۋگە جاردەمدەسۋ, ۇشۋ قاۋىپسىزدىگىن باسقارۋدا تاۋەكەلگە باعدارلانعان ءتاسىلدى قولدانۋ, اۋە كولىگىنىڭ تۇراقتى دامۋىن قولداۋ ءۇشىن حالىقارالىق ستاندارتتاردى ەنگىزۋ, اقۇ سالاسىن تسيفرلاندىرۋ جانە اۋە كەڭىستىگىن نەعۇرلىم ءتيىمدى پايدالانۋ ماقساتىندا قۇرىلعان.
SOCEA-عا مۇشەلىك اۋە قوزعالىسى كولەمىن ۇلعايتۋعا, وڭىردەگى اۋە قوزعالىسى قاۋىپسىزدىگىن باسقارۋ جۇيەسىن ءتيىمدى ەنگىزۋگە, وڭىرلىك دەڭگەيدە ۇشۋ قاۋىپسىزدىگىن باسقارۋ ءۇشىن تاۋەكەلدەردى باعالاۋ تاسىلدەرىن قولدانۋعا, سونداي-اق سالانى تسيفرلاندىرۋ پروتسەسىن جاڭعىرتۋ مەن ستاندارتتاۋعا جاردەمدەسۋگە ىقپال ەتەدى.
«SOCEA مۇشەلىگى وڭىرلىك سەرىكتەستەرمەن ىنتىماقتاستىق جانە اۋە قوزعالىسىن باسقارۋ سالاسىندا وزىق تاجىريبە الماسۋ ءۇشىن ستراتەگيالىق مۇمكىندىك بولىپ تابىلادى. ءبىز ءوز تاجىريبەمىزبەن ءبولىسىپ, بۇكىل وڭىردەگى اۋە كەڭىستىگىنىڭ قاۋىپسىزدىگى سالاسىندا جاڭا جەتىستىكتەرگە جەتۋ ءۇشىن بىرلەسىپ جۇمىس ىستەۋ مۇمكىندىگىن اسىعا كۇتەمىز», دەدى «قازاەروناۆيگاتسيا» رمك باس ديرەكتورىنىڭ ورىنباسارى جەڭىس اۋعاليەۆ
ايتا كەتەيىك, اەروناۆيگاتسيالىق قاۋىپسىزدىكتى ۇيلەستىرۋ بويىنشا وڭىرلىك پلاتفورما (SOCEA) 2023 جىلعى 18 تامىزدا «ازەربايدجانسكيە اۆياليني» زاو (AZAL) مەن تۇركيا مەملەكەتتىك اۋەجايلارىنىڭ باس باسقارماسى (DHMI) اراسىنداعى كەلىسىمنىڭ ناتيجەسىندە قۇرىلعان.
