فوتو:euronews.com
يتاليادا نوسەر سوڭى تاسقىنعا ۇلاسىپ, بىرنەشە وڭىردە قاۋىپتىلىكتىڭ جوعارى دەڭگەيى جاريالانعان. ەڭ كوپ زارداپ شەككەن ەميليا-رومانيا ايماعى. بولونيادا تاسقىن اعىزىپ الىپ كەتكەن كولىكتە كىشكەنتاي بالا قۇربان بولعان.
توسكاناداعى ەلزا جانە سيتسيلياداعى سالسو وزەندەرى ارناسىنان اسىپ كەتكەن. ەكى ايماقتىڭ تۇرعىندارىنا اسا قاجەت بولماسا, ساپارعا شىقپاۋعا كەڭەس بەرىلگەنى حابارلاندى.
ايتا كەتەيىك, قاۋىپتىلىكتىڭ جوعارى دەڭگەيى سەيسەنبىگە دەيىن تومەندەمەيدى دەلىنگەن.
سونىمەن قاتار, ورتالىق فرانتسيادا سۋ تاسقىنى سالدارىنان ايماق تۇرعىندارى جارىقسىز قالعان. اردەشە دەپارتامەنتىنىڭ كەيبىر اۋداندارىندا 48 ساعات ىشىندە 700 ميلليمەترگە دەيىن جاۋىن جاۋعان, بۇل پاريجدەگى جىلدىق نورمادان كوپ ەكەنىن بەلگىلى بولدى.
فرانتسيانىڭ ىشكى ىستەر مينيسترلىگى پاريج زارداپ شەككەن ايماقتارعا قوسىمشا 1500 قۇتقارۋشى جىبەرگەنىن حابارلادى.
