ساياباقتىڭ بوي كوتەرۋىنە قولداۋ بىلدىرگەن وبلىس اكىمدىگى دەمالىس ورنىنىڭ مەديتسينا قىزمەتكەرلەرىنىڭ ماماندىعىنا ادالدىعى مەن ادام دەنساۋلىعىن ساقتاۋدا اتقارىپ وتىرعان ولشەۋسىز ەڭبەگىنە العىس پەن ريزاشىلىقتىڭ ءبىر يشاراسى ەكەنىن ايتادى. جاڭا ساياباقتىڭ جالپى اۋدانى 6 مىڭ شارشى مەتردى قۇرايدى. اۋماقتى كوگالداندىرۋعا ەرەكشە نازار اۋدارىلىپ, قايىڭ, ءسىبىر شىرشاسى, تال, بورىقاراقات, شىرشا, ارشا, پيراميدا تەرەكتەرى, ۆيبۋرنۋم, تاۋ ك ۇلى سياقتى بۇتالاردىڭ كوشەتتەرى وتىرعىزىلدى. سونىمەن قاتار سپورت الاڭدارى مەن بالالاردىڭ ويىن اتتراكتسيوندارى دا قاراستىرىلعان. ساياباق جارىقتاندىرىلىپ, ورىندىقتار, قوقىس جاشىكتەرى ورناتىلدى.
«قالامىز وبلىس مارتەبەسىنە يە بولعالى كوز الدىمىزدا وزگەرىپ, جاسارىپ كەلەدى. بۇل ءبىزدى قۋانتادى. وسى ىستەردىڭ باسى-قاسىندا جۇرگەن ازاماتتاردىڭ بارلىعىنا العىستان باسقا ايتارىمىز جوق. دەنساۋلىقتى ساقتاۋدىڭ قانشالىقتى ماڭىزدى ەكەنىن اسىرەسە ءبىز, دارىگەرلەر جاقسى بىلەمىز. ال مىنا ساياباق – باستى بايلىعىمىزدى قالىپتى ۇستاپ تۇرۋعا تاپتىرماس ورىن. تاعى ءبىر اتاپ وتەرلىگى – بۇل ساياباقتىڭ سالىنۋى بىزگە دەگەن قۇرمەتتىڭ ءبىر بەلگىسى دەپ بىلەمىن», دەدى ارداگەر دارىگەر, مەديتسينا عىلىمدارىنىڭ دوكتورى, پروفەسسور رايفا يۆانوۆا.
بيىل وبلىس اكىمدىگىنىڭ باستاماسىمەن سەمەي قالاسىن اباتتاندىرۋ جۇمىستارى اياسىندا 62 اۋلا مەن 4 قوعامدىق كەڭىستىك جاڭعىرتىلدى. ال قالانىڭ سول جاعالاۋىنان ورىن العان مۇحتار اۋەزوۆ ەسكەرتكىشىنىڭ ماڭى مەن ۇلكەن اۋماقتى قامتىعان الاڭدى جوندەۋ جۇمىسى جوسپارعا ساي جۇزەگە اسىپ جاتىر.
اباي وبلىسى
