وسى ۋاقىتقا دەيىن «جيزن زامەچاتەلنىح ليۋدەي» سەرياسىمەن 1 500-دەن استام ەڭبەك جارىق كورگەن. سونىڭ ءبىرازى قازاقستاننىڭ كورنەكتى تۇلعالارىنا ارنالعان. اتالعان سەريامەن شىققان ءبىرتۋارلار – شوقان ءۋاليحانوۆ, كەنەسارى قاسىم ۇلى, ساكەن سەيفۋللين, قۇنانباي وسكەنباي ۇلى, قانىش ساتباەۆ, مۇحتار اۋەزوۆ, شاكارىم قۇدايبەردى ۇلى, ەرمۇحان بەكماحانوۆ, ەۆنەي بوكەتوۆ, ت.ب. ەندى بۇل ءتىزىم ماحمەت قايىرباەۆ ەسىمىمەن تولىعىپ وتىر.
«ماحمەت قايىرباەۆ» كىتابىنىڭ اۆتورى – باتىردىڭ ۇلى مۇرات قايىرباەۆ. اۆتور مۇراعات ماتەريالدارىن پايدالانا وتىرىپ, اكەسى ماحمەت قايىرباەۆتىڭ ومىربايانىنداعى بۇرىن بەلگىسىز بولعان فاكتىلەرگە قۇقىقتىق تۇرعىدان باعا بەرگەن.
– اكەمنىڭ ءومىربايانىن جازۋ ونىڭ ومىرىندەگى كەيبىر وقيعالارعا تۇرتكى بولدى. اكەم 1982 جىلى زەينەتكە شىققاننان كەيىن دە قوعامدىق جۇمىسقا بەلسەنە ارالاسىپ, مايدانگەرلەردىڭ ەرلىكتەرىن ءجيى ەسكە الىپ, جاعدايلارىنا الاڭداپ جۇرەتىن. قازىر مەن دە زەينەتكەرمىن. اكەمنىڭ سول كەزدەگى ويعا العان جوسپارلارىن جۇزەگە اسىرۋعا از دا بولسا ۇلەسىمدى قوسقىم كەلەدى, – دەيدى مۇرات ماحمەت ۇلى.
بەيبىت ۋاقىتتاعى ماحمەت قايىرباەۆتىڭ ەڭبەك جولى پاۆلودار وبلىسىنىڭ دامۋىمەن تىعىز بايلانىستى. تىڭ يگەرۋ مەن مال شارۋاشىلىعىن وركەندەتۋ, وبلىستىڭ ونەركاسىپتىك الەۋەتىن دامىتۋدا قول جەتكىزگەن جەتىستىكتەرى ءۇشىن كەڭەستىك مەملەكەتتىك ناگرادالارمەن ماراپاتتالدى.
ءىس-شارادا باتىر تۋرالى دەرەكتى فيلم كورسەتىلىپ, كىتاپ كورمەسى ۇسىنىلدى.
پاۆلودار
