بۇل تۋرالى VITA پاۆلودار ىزدەۋ جاساعىنىڭ ەرىكتىلەرى الەۋمەتتىك جەلىدەگى پاراقشاسىندا حابارلادى. ىزدەۋشىلەردىڭ ايتۋىنشا, جوعالعان 26 جاستاعى الەكساندر ءفوميننىڭ دەنەسى ۋسولكا شاعىن اۋدانىنداعى قالا تۇرعىندارى كۇن سايىن سەرۋەندەيتىن قايىڭ توعايدىڭ جانىنان تابىلعان.
«ول جەردە كۇن سايىن جۇزدەگەن ادام سەرۋەندەيدى, بايكەرلەر جۇرەدى, جاقىندا ءتىپتى جارىستار دا ءوتتى. ونى كورۋگە بولاتىن ەدى. بۇل وتە وكىنىشتى... ءبىز ونى ۇزاق ۋاقىت بويى تابا المادىق, ءارتۇرلى جولمەن جۇمىس جاساپ كوردىك, جاقىندا ءبىز تاعى دا جوسپارلانعان اۋماقتى ىزدەۋگە شىقتىق. توپتارعا ءبولىنىپ, وتىرعىزىلعان اعاشتاردىڭ جانىنان ءوتىپ بارا جاتىپ, مەن ءبىر داقتى كورىپ قالدىم, ونىڭ ۇستىندە جولاقتار بولدى, جاقىنداپ قاراساق, ول الەكساندر بولىپ شىقتى», دەدى «VITA پاۆلودار قالاسىنىڭ ىزدەۋشىلەرىنىڭ» باسشىسى ەكاتەرينا كۋدرياۆتسەۆا.
پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى جوعالعان پاۆلودارلىقتىڭ ءولى تابىلعانىن راستادى.
«بۇل فاكت بويىنشا پوليتسيا سوتقا دەيىنگى تەرگەۋ جۇرگىزىپ جاتىر», دەپ حابارلادى ۆەدومستۆونىڭ ءباسپاسوز قىزمەتى.
