جىل باسىنان بەرى جامبىل وبلىسىندا كامەلەتكە تولماعان جاسوسپىرىمدەردىڭ ۇي̆دەن كەتۋىنىڭ 242 دەرەگى تىركەلدى, ولاردىڭ 215-ءى كەزەكشى تاۋلىكتە تابىلدى, قالعاندارىنىڭ تۇرعىلىقتى جەرى بىرنەشە تاۋلىك ىشىندە انىقتالدى.
ستاتيستيكالىق تالداۋ ناتيجەلەرى كورسەتكەندەي̆, جاسوسپىرىمدەردىڭ ءوز بەتىنشە ۇي̆دەن كەتۋىنىڭ نەگىزگى سەبەپتەرى – وتباسىنداعى جانجالدار, اتا-انالاردىڭ جۇمىس باستىلىعى. ناتيجەسىندە, بالالاردىڭ بوس ۋاقىتى مەن باي̆لانىس ورتاسىنا قاتىستى باقىلاۋدىڭ بولماۋى, كامەلەتكە تولماعانداردىڭ بوس ۋاقىتىنىڭ دۇرىس ۇي̆ىمداستىرىلماۋى, كومپيۋتەرلىك وي̆ىندارعا دەگەن اۋەستىك, وتباسىنداعى قولاي̆سىزدىق جانە ءجاسوسپىرىمنىڭ ءوزىن-ءوزى باعالاۋى, ءوزىن قۇرمەتتەۋىنە, توتەنشە, كەي̆دە قاۋىپتى جولدارمەن تانىلۋعا جانە باقىلاۋدان شىعۋعا دەگەن ۇمتىلىسى.
بالالار ناقتى مەكەنجاي̆دى بىلمەي̆, اۆتوبۋسپەن ءجۇرىپ نەمەسە ۇي̆دەن ۇزاپ بارا جاتقاندا اداسىپ كەتۋ, كەزدەي̆سوق كەتۋ جاعداي̆ى سيرەك كەزدەسەدى.
ماسەلەن, 17 جاستاعى ءجاسوسپىرىم شكافتاعى زاتتاردى اقتارىپ ءجۇرىپ, اجەسىنىڭ جاسىرعان اقشاسىن تاۋىپ الىپ, وعان ۇيالى تەلەفون ساتىپ العان. مۇنى بىلگەن اجەسى نەمەرەسىنە ۇرسادى, ال ول رەنجىپ, ۇي̆دەن جاسىرىن كەتىپ قالادى. پوليتسيا ءجاسوسپىرىمدى تاڭەرتەڭ ۇي̆دەن 35 شاقىرىم جەردەن تاپقان.
ال 13 جاسار بالا اتا-اناسىمەن ساباقتان تومەن باعا العانى ءۇشىن ۇرىسىپ, ەشبىر ەسكەرتپەستەن, دوسىنىڭ ۇي̆ىنە قونادى. وسىعان قاتىستى اتا-انالارمەن جانە كامەلەتكە تولماعان جاسوسپىرىمدەرمەن پروفيلاكتيكالىق اڭگىمەلەر وتكىزىلدى.
قازىرگى تاڭدا ۇي̆دەن كەتكەن بارلىق جاسوسپىرىمدەر تابىلىپ, اتا-انالارىنا قاي̆تارىلدى. بالالارعا قاتىستى نە ولاردىڭ قاتىسۋىمەن جاسالعان قانداي̆ دا ءبىر قىلمىس جاساۋ فاكتىلەرى ولاردى ىزدەستىرۋ كەزەڭىندە تىركەلمەگەن. بارلىق بالالاردى ىزدەۋگە تەك پوليتسيا قىزمەتكەرلەرى عانا ەمەس, ەرىكتىلەر مەن وسىعان بەي̆-جاي̆ قاراماي̆تىن بەلسەندى ازاماتتار دا قاتىستى.
«بالالارىڭىزعا مۇقيات جانە اباي̆ بولىڭىزدار, ولاردىڭ ماسەلەلەرىن بىرلەسىپ شەشىڭىزدەر, بالاڭىزدىڭ اۋەستىكتەرى مەن بوس ۋاقىتىنا قىزىعۋشىلىق تانىتۋ ماڭىزدى. ەگەر بالا ۇي̆دەن ءوز ەركىمەن كەتىپ قالسا, وندا ءسىز ونىڭ بارلىق تانىستارى مەن دوستارىنا كىدىرتپەي̆ قوڭىراۋ شالۋىڭىز قاجەت. ونىڭ قانداي̆ كيىممەن كەتكەنىن جانە وزىمەن بىرگە نە العانىن انىقتاۋعا تىرىسىڭىز», دەلىنگەن اقپاراتتا.
