قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ بۇيرىعى  №288

2014 جىلعى 25 شىلدە, استانا قالاسى سپورتشىنىڭ ءبىر دەنە شىنىقتىرۋ-سپورت ۇيىمىنان باسقا دەنە شىنىقتىرۋ-سپورت ۇيىمىنا اۋىسۋى قاعيداسىن بەكىتۋ تۋرالى قازاقستان رەسپۋبليكاسىنىڭ 2014 جىلعى 3 شىلدەدەگى «دەنە شىنىقتىرۋ جانە سپورت تۋرالى» زاڭىنىڭ 7-بابى 28) تارماقشىسىنا سايكەس, بۇيىرامىن: 1. قوسا بەرىلىپ وتىرعان سپورتشىنىڭ ءبىر دەنە شىنىقتىرۋ-سپورت ۇيىمىنان باسقا دەنە شىنىقتىرۋ-سپورت ۇيىمىنا اۋىسۋى قاعيداسى بەكىتىلسىن. 2. ستراتەگيالىق دامۋ دەپارتامەنتى (د.ءۇ. قامزەباەۆا) زاڭنامادا بەلگىلەنگەن تارتىپپەن: 1) قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى, سونىمەن قاتار قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ رەسمي ينتەرنەت-رەسۋرسىندا جاريالاۋدى قامتاماسىز ەتسىن. 3. «سپورتشىنىڭ ءبىر دەنە شىنىقتىرۋ-سپورت ۇيىمىنان (سپورت كلۋبىنان) باسقا دەنە شىنىقتىرۋ-سپورت ۇيىمىنا (سپورت كلۋبىنا) اۋىسۋى تۋرالى ەرەجەنى بەكىتۋ تۋرالى» قازاقستان رەسپۋبليكاسى تۋريزم جانە سپورت جونىندەگى اگەنتتىگى توراعاسى مىندەتىن اتقارۋشىنىڭ 2004 جىلعى 15 ناۋرىزداعى № 06-2-2/91 بۇيرىعىنىڭ (قازاقستان رەسپۋبليكاسىنىڭ ادىلەت مينيسترلىگىندە 2004 جىلعى 2 ساۋىردە № 2792 تىركەلدى, قازاقستان رەسپۋبليكاسىنىڭ ورتالىق اتقارۋشى جانە وزگە دە مەملەكەتتىك ورگاندارىنىڭ نورماتيۆتىك قۇقىقتىق اكتىلەر بيۋللەتەنىندە باسىلدى, 2004 ج. № 37-40, 1003-قۇجات) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى ە.ب. قاناعاتوۆقا جۇكتەلسىن. 5. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ توراعاسى ت.ەسەنتاەۆ. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 25 شىلدەدەگى № 288 بۇيرىعىمەن بەكىتىلدى سپورتشىنىڭ ءبىر دەنە شىنىقتىرۋ-سپورت ۇيىمىنان باسقا دەنە شىنىقتىرۋ-سپورت ۇيىمىنا اۋىسۋى قاعيدالارى 1. جالپى ەرەجەلەر 1. وسى سپورتشىنىڭ ءبىر دەنە شىنىقتىرۋ-سپورت ۇيىمىنان باسقا دەنە شىنىقتىرۋ-سپورت ۇيىمىنا اۋىسۋى قاعيدالارى (بۇدان ءارى-قاعيدا) قازاقستان رەسپۋبليكاسىنىڭ 2014 جىلعى 3 شىلدەدەگى «دەنە شىنىقتىرۋ جانە سپورت تۋرالى» زاڭىنىڭ 7-بابى 28-تارماقشىسىنا سايكەس ازىرلەنگەن سپورتشىنىڭ ءبىر دەنە شىنىقتىرۋ-سپورت ۇيىمىنان باسقا دەنە شىنىقتىرۋ-سپورت ۇيىمىنا (بۇدان ءارى - ۇيىم) اۋىسۋىنىڭ ءتارتىبىن انىقتايدى. 2. اۋىسۋدىڭ بىرىڭعاي ءتارتىبىن بەلگىلەۋ اشىقتىقتى قامتاماسىز ەتۋ جانە سپورتشىلاردى دايارلاۋ جۇيەسىن جەتىلدىرۋ, رەسپۋبليكانىڭ قۇراما كوماندالارىنىڭ جانە جەكەلەگەن سپورتشىلاردىڭ حالىقارالىق جارىستاردا تابىستى ونەر كورسەتۋىن قامتاماسىز ەتۋ ماقساتىندا جۇزەگە اسىرىلادى. وسى قاعيدا مىناداي ۇعىمدار قولدانىلادى: 1) دەنە شىنىقتىرۋ-سپورت ۇيىمى (بۇدان ءارى-ۇيىم) – نەگىزگى قىزمەت ءتۇرى رەتىندە دەنە شىنىقتىرۋ مەن سپورت سالاسىنداعى قىزمەتتi جۇزەگە اسىراتىن زاڭدى تۇلعا; 2) سپورتتىق قىزمەت تۋرالى شارت – سپورتشى, جاتتىقتىرۋشى نەمەسە دەنە شىنىقتىرۋ جانە سپورت سالاسىنداعى وزگە دە مامان مەن دەنە شىنىقتىرۋ-سپورت ۇيىمى اراسىندا جاسالاتىن ازاماتتىق-قۇقىقتىق شارت; 3) ترانسفەرتتىك كارتا (سەرتيفيكات) - سپورتشىعا شەت ەلدىك سپورت ۇيىمى ءۇشىن ونەر كورسەتۋىنە قۇقىق بەرەتىن رۇقسات. 3. سپورتشى سپورتتىق قىزمەت تۋرالى شارتتىڭ قولدانىلۋ مەرزىمى اياقتالعاننان كەيىن ءبىر دەنە شىنىقتىرۋ-سپورت ۇيىمىنان باسقا سپورتتىق ۇيىمعا اۋىسادى. ەگەر سپورتشى باسقا ۇيىمعا سپورتتىق قىزمەتى تۋرالى شارتتىڭ قولدانىلۋ مەرزىمى اياقتالعانعا دەيىن اۋىسقان نەمەسە شارتتا كوزدەلگەن مىندەتتەمە تالاپتارىن ورىنداماعان جاعدايدا, سپورتشىنىڭ اۋىسۋى تەك قانا ۇيىمداردىڭ ءوزارا كەلىسىمىمەن بولادى. 2. سپورتشىنىڭ اۋىسۋى جانە سپورتتىق قىزمەت تۋرالى شارت جاساسۋى 4. سپورتشىلاردىڭ اۋىسۋ ماسەلەلەرىن, اككرەديتتەلگەن رەسپۋبليكالىق, وڭىرلىك جەرگىلىكتى جانە سپورتتىق فەدەراتسيالار قوعامدىق بىرلەستىكتەر, دەنە شىنىقتىرۋ جانە سپورت سالاسىنداعى جەرگىلىكتى اتقارۋشى ورگاندار, قاراستىرادى جانە دەنە شىنىقتىرۋ جانە سپورت سالاسىنداعى ۋاكiلەتتi ورگانمەن مىناداي تارتىپتە كەلىسەدى: 1) سپورتشىنىڭ, وبلىستىق, قالالىق قۇراما كوماندا مۇشەسىنىڭ قازاقستاننىڭ شەگىندە ءبىر ۇيىمنان باسقا ۇيىمعا اۋىسۋى كەزىندەگى ماسەلەنى وسى سپورت ءتۇرى بويىنشا اككرەديتتەلگەن سپورتتىق فەدەراتسيا قاراستىرادى جانە جەرگىلىكتى اتقارۋشى ورگانمەن كەلىسەدى; 2) سپورتشىنىڭ, وبلىستىق, قالالىق قۇراما كوماندا مۇشەسىنىڭ شەت ەلدىك دەنە شىنىقتىرۋ-سپورت ۇيىمىڭ اۋىسۋى كەزىندەگى ماسەلەنى وسى سپورت ءتۇرى بويىنشا اككرەديتتەلگەن سپورتتىق فەدەراتسيا, جەرگىلىكتى اتقارۋشى ورگان قارايدى جانە دەنە شىنىقتىرۋ مەن سپورت سالاسىنداعى ۋاكiلەتتi ورگانمەن كەلىسەدى; 3) سپورتشىنىڭ اۋىسۋى كەزىندە قۇراما كوماندا مۇشەسىنىڭ ءبىر ۇيىمنان باسقا ۇيىمعا (سونىڭ ىشىندە شەت ەلدىك) ۇيىمعا اۋىسۋى كەزىندەگى ماسەلەنى وسى سپورت ءتۇرى بويىنشا اككرەديتتەلگەن رەسپۋبليقالىق فەدەراتسيا قارايدى جانە دەنە شىنىقتىرۋ جانە سپورت سالاسىنداعى ۋاكiلەتتi ورگان بەكىتەدى. 5. اۋىسۋعا رۇقسات العىسى كەلگەن سپورتشى ەركىن تۇردە جازىلعان وتىنىشتە ءوزىنىڭ تىلەگى تۋرالى ءتيىستى ۇيىمنىڭ باسشىسىنا جانە سپورت ءتۇرى جونىندەگى اككرەديتەلگەن سپورتتىق فەدەراتسياعا سپورتتىق قىزمەت تۋرالى شارتتىڭ قولدانۋ مەرزىمىنىڭ اياقتالۋىنا كەمىندە ءبىر اي قالعاندا حابارلايدى. 6. سپورتشىنىڭ اۋىسۋىن قاراستىرۋ جانە كەلىسۋ مەرزىمى ءوتىنىش بەرىلگەن كۇننەن باستاپ ءبىر ايدى قۇرايدى. 7. سپورتشىنىڭ ءبىر ۇيىمنان اۋىسۋى باسقا ۇيىمعا مىناداي نەگىزدەمەلەر بولعان جاعدايدا مۇمكىن بولادى: 1) اسكەري قىزمەتكە شاقىرىلسا; 2) ءبىلىم بەرۋ ۇيىمنىڭ كۇندىزگى بولىمىندە وقىسا; 3) سپورتشى مەن ۇيىم اراسىنداعى سپورتتىق قىزمەت تۋرالى شارتتىڭ قولدانۋ مەرزىمى اياقتالسا; 4) تاراپتاردىڭ كەلىسىمى بويىنشا سپورتتىق قىزمەت تۋرالى شارت مەرزىمىنەن بۇرىن بۇزىلسا. 8. ۇيىم تاراتىلعان كەزدە سپورتتىق جارىستار باستالاردان بۇرىن نەمەسە ونىڭ بارىسىندا سپورتشى باسقا ۇيىمعا اۋىسادى. 9. نەگىزگى ۇيىممەن سپورتتىق قىزمەت تۋرالى شارتتى بۇزباي-اق, سپورتشىنىڭ ءبىر ۇيىمنان باسقا ۇيىمعا ۋاقىتشا اۋىسۋىنا بولادى, ول ۇيىمدار اراسىنداعى ەكىجاقتى كەلىسىممەن رەسىمدەلەدى. اتالعان كەلىسىمدە ۋاقىتشا اۋىسقان سپورتشىنىڭ شارتتارى مەن مەرزىمى ايتىلادى. 10. ورتالىق ورگانمەن كەلىسكەننەن كەيىن سپورت تۇرلەرى بويىنشا اككرەديتتەلگەن رەسپۋبليكالىق فەدەراتسيالاردان سپورتشى شەت ەلدىك دەنە شىنىقتىرۋ-سپورت ۇيىمىن اۋىسقان كەزدە وعان ترانسفەرتتىك كارتا (سەرتيفيكات) بەرىلەدى, ول سپورت تۇرىنەن حالىقارالىق فەدەراتسيالاردىڭ تالاپتارىنا ساي بولادى جانە سپورتشىنىڭ قازاقستان رەسپۋبليكاسىنىڭ قۇراما كومانداسى ءۇشىن رەسمي حالىقارالىق جارىستارعا قاتىسۋىن كوزدەيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9681 بولىپ ەنگىزىلدى.