اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اۆتوموبيلدi باسقاراتىن ادامنىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن ابايسىزدا ەكi نەمەسە ودان دا كوپ ادامنىڭ ولiمiنە اكەپ سوققان دەگەن ايىپپەن ايىپتالعان ت.-عا قاتىستى ۇكىم جاريالاندى (قك-ءنىڭ 345-بابىنىڭ 4-بولىگى).
«2024 جىلعى 05 ماۋسىمدا ساعات 15.15 شاماسىندا, «Toyota Alphard» اۆتوكولىگىن اقتوبە وبلىسى قارعالى اۋدانى اۋماعىندا اقتوبە قالاسى باعىتىنان قارعالى اۋدانى الىمبەت اۋىلى باعىتىندا «اقتوبە-ورسك» تاس جولىمەن باسقارىپ كەلە جاتىپ, تاس جولدىڭ 93-شاقىرىمىندا, قازاقستان رەسپۋبليكاسىنىڭ جول ءجۇرىسى قاعيدالارىنىڭ تالاپتارىن ورەسكەل بۇزىپ, رۋلدىك باسقارۋ جۇيەسىنە يە بولا الماي اۋدارىلىپ, ناتيجەسىندە اۆتوكولىك سالونىنداعى ءتورت جولاۋشىنىڭ ابايسىزدا ولىمىنە اكەلىپ سوقتىرعان, سونىمەن قاتار ءبىر جولاۋشىنىڭ دەنساۋلىعىنا زيان كەلتىرگەن», دەلىنگەن سوتتىڭ حابارلاماسىندا.
سوتتالۋشى وزىنە تاعىلعان ايىپ بويىنشا كىناسىن تولىق مويىنداپ, الدىنداعى كولىكپەن سوقتىعىسۋدان جانە جولداعى شۇڭقىردان قاشىپ ءرۋلدى قاتتى بۇرىپ اۋدارىلىپ قالعانىن كورسەتتى.
ال مەملەكەتتىك ايىپتاۋشى تاعىلعان ايىپتى تولىق قولداپ, سوتتان ت.-نى 7 جىل مەرزىمگە كولىك قۇرالىن باسقارۋ قۇقىعىنان ايىرا وتىرىپ, 5 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.
«قك-ءنىڭ 345-بابىنىڭ 4-بولىگىنىڭ سانكتسياسىندا بەلگىلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان جەتى جىلعا دەيiنگi مەرزiمگە ايىرا وتىرىپ, بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن. جازا تاعايىنداۋ بارىسىندا قىلمىستىق جاۋاپتىلىق پەن جازانى جەڭىلدەتەتىن ءمان-جاي رەتىندە سوتتالۋشىنىڭ جاس بالالارىنىڭ بولۋىن, بۇرىن قىلمىستىق جاۋاپتىلىققا تارتىلماعانىن, كىناسىن مويىنداپ, شىن نيەتپەن وكىنۋىن تانىدى. سوتپەن قىلمىستىق جاۋاپتىلىق پەن جازانى اۋىرلاتاتىن ءمان-جاي انىقتالعان جوق», دەلىنگەن حابارلامادا.
سوت, ت.-نى كك-ءنىڭ 345-بابىنىڭ 4-بولىگىمەن مەن كىنالى دەپ تانىپ, 7 جىل مەرزىمگە كولىك قۇرالىن باسقارۋ قۇقىعىنان ايىرا وتىرىپ, 5 جىل مەرزىمگە باس بوستاندىعىنان ايىرۋ جازاسىن تاعايىندادى.
