قازاق كينوسى اقش عالىمىنىڭ كوزىمەن

ول بۇل كىتاپقا قالاي كىرىسكەنى تۋ­رالى ايتا كەلە, «2012 جىلى وقۋ ور­نىمىزدا ەۋروپا, رەسەي جانە ەۋرازيالىق زەرتتەۋلەر ينس­تي­تۋتىنىڭ دي­رەكتورى بولىپ تا­عا­ي­ىن­دالدىم. انە, سول كەزدە قازاق­ستاننىڭ ما­دەنيەتىنە, اسىرەسە, كينوسىنا, قازاق مۋزىكاسى مەن ادەبيەتىنە قىزىعۋشىلىق تانىتتىم. ساياساتتانۋ جانە تاريح سالاسىنداعى ارىپتەستەرىم كەڭەستىك, پوس­تكەڭەستىك كەزەڭدە قا­زاقستانداعى دەموكراتيا­لاندىرۋ, ۇلتتىق بى­رە­گەي­لىك اسپەكتىلەرى بويىن­شا عىلىمي زەرتتەۋلەر جاسادى, سول باعىت بويىنشا جۇمىس ىستەدى. ال مەن 2017 جىلى زەرتتەۋ ساپارىمەن الماتىعا بارىپ, ساتىبالدى نارىمبەتوۆ, دارەجان ومىرباەۆ, ءاسان­الى ءاشىموۆ سىندى رەجيس­سەر, اكتەرلەرمەن كەز­دە­سىپ, كىتابىما قاجەتتى ماتەريالدار الدىم», دەي­دى.

ءتىپتى ول قازاق رە­جيس­سەرلەرى تۇسىر­گەن قازىرگى فيلمدەردى ۆاشينگ­توندا تۇرىپ تا قالت جىبەرمەي كو­رەتىنىن ايتتى. سوڭعى رەت الديار بايراكيموۆ-ءتىڭ «پا­راليمپياداشى» ءفيل­مى, سونىمەن قاتار جا­قىن­دا شىققان «شەكەر» سياقتى شاعىن سەريالدار­دى تاماشالاعانىن جەت­كىزدى. بىزگە اسىرەسە ونىڭ «قىز جىبەك» ءفيلمى تۋرالى ايتقان شىنايى باعاسى قاتتى اسەر ەتتى. ونىڭ ايتۋىنشا, بۇل كينو قازاقتىڭ ۇلتتىق مادەنيەتىن تورت­كۇل دۇنيەگە كەڭىنەن دا­رىپ­­تەگەن تۇڭعىش فيلم بول­ماق.