فوتو: iStock
مۇگەدەكتىگى بار ادامدارعا ارنالعان بوس جۇمىس ورىندار جارمەڭكەسىن «ەڭبەك رەسۋرستارىن دامىتۋ ورتالىعى» اق مەن «IteachMe» قوعامدىق قورى بىرلەسىپ ۇيىمداستىردى.
ىزدەنۋشىلەر جارمەڭكەگە Enbek.kz پلاتفورماسىندا تىركەلگەننەن/اككاۋنتقا كىرگەننەن كەيىن قاتىسا الادى, مۇنى جارمەڭكە وتكىزىلەتىن كۇنى تىكەلەي جاساۋعا بولادى.
كاسىبي قىزمەتكەردى جالداعىسى كەلەتىن جۇمىس بەرۋشىلەر الەۋمەتتىك جاۋاپكەرشىلىكتى ارتتىرا وتىرىپ, الدىن-الا تىركەۋدەن ءوتۋى كەرەك.
بۇل جۇمىس بەرۋشىگە كومپانيا تۋرالى اقپارات, ەڭبەك جاعدايلارى مەن جەڭىلدىكتەرى, جۇمىسقا ورنالاسۋ ەرەكشەلىكتەرى جانە مۇگەدەكتىگى بار ازاماتتارعا جارامدى بوس جۇمىس ورىندارى تۋرالى اقپارات بار كاسىپورىننىڭ ۆيرتۋالدى ستەندىن ورنالاستىرۋ ارقىلى ۇيىم تۋرالى ەگجەي-تەگجەيلى ايتىپ بەرۋگە, ونىڭ ەڭ كۇشتى جاقتارىن كورسەتۋگە كومەكتەسەدى.
جارمەڭكەگە قاتىسۋ جۇمىس بەرۋشىگە ءوزىنىڭ جەكە كابينەتىندە جاۋاپ بەرگەن كانديداتتاردان تۇيىندەمەنى ساقتاۋعا, ماتىندىك فورماتتا ونلاين-اڭگىمەلەسۋ وتكىزۋگە جانە Tanda.Enbek.kz پورتالىنداعى جەكە كابينەتتە بەتپە-بەت نەمەسە بەينە سۇحباتقا لايىقتى كانديداتتاردى شاقىرۋعا مۇمكىندىك بەرەدى.
جارمەڭكەگە قاتىسۋ ءۇشىن جۇمىس بەرۋشىنى تىركەۋ تۋرالى تولىق نۇسقاۋلىق https://tanda.enbek.kz/ru/employer/faq سىلتەمەسى بويىنشا قولجەتىمدى.
