ەكى ءبىلىم ورداسى اشىلدى

ايتەي اۋىلدىق وكرۋگى­نىڭ اۋماعىندا ورنالاسقان «ومىر­زاق» تۇرعىن-ءۇي كەشەنىندە كوپتەن كۇتكەن 900 وقۋشىعا ارنالعان جاڭا ءبىلىم وشاعىنىڭ سالتاناتتى تۇردە اشىلۋىنا قاراساي اۋدانىنىڭ اكىمى جاسۇلان ەستەنوۆ, اۋدان پروكۋرورى جانىبەك جاقاەۆ, سونداي-اق ەل ماقتانىشى, پا­ريج وليمپيداسىنىڭ دزيۋدودان قولا جۇلدەگەرى عۇسمان قىرعىزباەۆ پەن اتا-انالار قاتىستى.

«بۇل – اۋدانىمىزدا اشىل­عان ءبىلىم مەكەمەسىنىڭ ال­عاشقىسى ەمەس. اتاپ وتسەك,  بيىلعى وقۋ جىلىنىڭ العاش­قى ەكى كۇنىندە «جايلى مەكتەپ» ۇلتتىق جوباسى اياسىندا سالىنعان قوشمامبەت پەن ەلتاي اۋىلدارىندا 1200 ورىنعا ارنالعان زاماناۋي ۇلگىدەگى 2 مەكتەپ عيماراتى پايدالانۋعا بەرىلگەن ەدى. ەندى مىنە, «ومىرزاق» شاعىن اۋدانى مەن دولان اۋىلىنان سۋ جاڭا مەكتەپتەردىڭ قۇرىلىسى اياقتالىپ, پايدالانۋعا بەرى­لۋىنىڭ ناتيجەسىندە اۋدانىمىزدا سوڭعى ەكى جىلدا ۇش­اۋىسىمدىق مەكتەپتەردىڭ سانى 12-دەن 3-كە كەمىدى. اتالعان ءبى­لىم مەكەمەسىنىڭ قۇرىلىسىن مەردىگەر «اق وردا»  جاۋاپكەر­شىلىگى شەكتەۋلى سەرىكتەستىگى جۇرگىزدى. مەكتەپ  عيماراتى زامانۋي ۇلگىدە سا­لىنعان جاس ۇرپاقتىڭ ساپالى ءبى­لىم الۋىنا تولىققاندى مۇم­­كىن­دىك جاسالعان. ماتە­ريال­دىق-تەحنيكالىق بازاسى جوعا­رى دەڭگەيلى تالاپتارعا ساي كەلەدى», دەگەن قاراساي اۋدا­نىنىڭ اكىمى جاسۇلان ەستەنوۆ مەكتەپ ۇجىمىن, اتا-انالار مەن ۇستازدار قاۋىمىن جاڭا عيماراتتىڭ اشىلۋىمەن قۇتتىقتاپ, مەكەمەنىڭ بوي كوتەرۋىنە جاۋاپتى بولعان كومپانيا قۇرىلىسشىلارىنا العىس ايتتى. سونداي-اق اۋدان اكىمى ءوز سوزىندە اتالعان مەكتەپتە سانالى ۇرپاق تاربيەلەنىپ, مەملەكەتتىڭ ماقتانىشى بولاتىن بالالار ءبىلىم الاتىنىنا سەنىم ءبىلدىردى.

جيىن سوڭىندا عيماراتتى سالعان «اق وردا» جشس-ءنىڭ ديرەكتورى ەربول ماناپوۆ سالتاناتتى تۇردە مەكەمەنىڭ كىلتىن مەكتەپ ۇجىمىنا تابىس ەتسە, اۋىل اقساقالى اق باتاسىن بەردى.

ايتا كەتەيىك, ومىرزاق ورتا مەكتەبى 900 وقۋشىعا ارنال­عان. ءۇش قاباتتى. ءىشى تولىقتاي زاماناۋي تۇرعىدا جابدىق­تالعان. مەكتەپ قۇرىلىسىنا 3 ملرد 700 ملن تەڭگە شاماسىندا قارجى جۇمسالعان. بۇ­عان دەيىن ايتەي اۋىلىنىڭ ب.قوسىنوۆ اتىنداعى ورتا مەكتەپكە «ومىر­زاق» شاعىن اۋدانىنان 400 بالا قاتىناپ وقىسا, ەندى جاڭا مەكتەپكە بارادى.

«كوشىپ كەلگەلى جەتى جىل بولدى. وسى ارادا مەكتەپ سالىنادى دەگەندى ەستىگەنىمىزبەن, سەنبەگەن ەدىك. ەكى جىلدىڭ ىشىندە ەڭسەلى عيمارات بوي كوتەرىپ, قۋانتىپ وتىر. بۇگىنگە دەيىن قانشاما بالا مەكتەپكە تاسىمالدانىپ وقىپ كەلدى. قىس كۇندەرى اتا-انالارعا قيىن ەدى. وسى ماسەلە تۇبەگەيلى شەشىلدى. بالاسىنىڭ ءۇي جانىنداعى مەكتەپكە كىرىپ جاتقانىن كورىپ, قۋانىشتان كوزگە جاس الىپ جاتقانى دا بار», دەيدى شاعىن اۋدان تۇرعىنى جولداسبەك مامبەتوۆ.

ال اۋداندىق ءبىلىم بولى­مىن­دەگىلەر جاڭا مەكتەپتە 600-گە جۋىق بالا ساباق باس­تاپ جات­قانىن ايتادى. «بۇل جەردە بۇ­­رىن مەكتەپ بولماعان. سول سە­بەپتى وقۋ­شى­لار ايتەي اۋى­لىن­داعى قوسىنوۆ مەك­تەبىنە تا­سىمالمەن وقيتىن. بۇگىن  ۇلكەن ماسەلە شەشىلدى. بۇل الدى­مەن بالا­لاردىڭ ءومىرى مەن دەنساۋلىعىنىڭ قاۋىپ­سىزدى­گىن قامتاماسىز ەتەدى. كۇرە جول­دان ءوتىپ, جان-جاققا قاتى­ناپ وقىپ جۇرگەن بالانىڭ ءبا­رى بۇ­گىن وسى مەكتەپكە كەلدى. اۋدا­­نىمىزداعى ءۇش اۋىسىم ماسە­­لەسى تاعى ءبىر مەكتەپكە ازاي­­دى», دەيدى اۋداندىق ءبى­لىم ءبو­لى­مىنىڭ باسشىسى اسەل ەركىنباەۆا.

كەلەسى كۇنى الماتى وبلىسى قاراساي اۋدانىنىڭ دولان اۋىلىندا تاعى ءبىر ەڭسەسى بيىك, زاماناۋي تەحنولوگيامەن جاب­دىقتالعان 1200 ورىندىق ءبىلىم ورداسى قولدانىسقا بەرىلدى. وسى­مەن وبلىستا «جايلى مەكتەپ» ۇلتتىق جوباسى اياسىندا 3-جايلى مەكتەپ بوي كوتەر­گەنىن ايرىقشا اتاعان ابزال. اشىلۋ سالتاناتىنا اۋدان­عا جۇمىس ساپارىمەن كەل­گەن اي­ماق اكىمى مارات سۇلتان­گازيەۆ ارنايى قاتىسىپ, ىزگى تىلەگىن ءبىلدىردى.

الماتى وبلىسى