سايلاۋشىلار ءبىر سۇراققا جاۋاپ بەرۋى كەرەك: ء«سىز قازاقستاندا اتوم ەلەكتر ستانساسىن سالۋعا كەلىسەسىز بە؟».
رەفەرەندۋمعا ءۇش كۇن قالعاندا, 3 قازاندا ەل پرەزيدەنتى قاسىم-جومارت توقاەۆ ءماسليحات دەپۋتاتتارى الدىندا سويلەگەن سوزىندە جالپىۇلتتىق رەفەرەندۋمنىڭ ماڭىزىنا توقتالىپ, وعان «حالىق ۇنىنە قۇلاق اساتىن مەملەكەت» تۇجىرىمداماسىنىڭ جارقىن كورىنىسى دەپ باعا بەردى. مەملەكەت باسشىسىنىڭ پىكىرىنشە, قازاقستان باسەكەلەستىكتە ءوز ارتىقشىلىقتارىن پايدالانباسا, الەمدىك پروگرەستەن شەت قالۋى مۇمكىن.
اەس-كە قاتىستى تاڭداۋ
قازاقستاندا ءبىرىنشى اتوم ەلەكتر ستانساسىنىڭ قۇرىلىسىنا قاتىستى رەفەرەندۋم ءوتتى. جەرگىلىكتى تۇرعىندار 10 مىڭنان اسا رەفەرەندۋم ۋچاسكەسىندە ستانسانىڭ سالىنۋىن قولداپ نەمەسە قارسى داۋىس بەردى.
داۋىس بەرۋ جەرگىلىكتى ۋاقىت بويىنشا ساعات 07.00-دە باستالىپ, كەشكى 20.00-دە اياقتالدى. ەل اۋماعىندا 10 323 سايلاۋ ۋچاسكەسى اشىلعان.
رەفەرەندۋمعا ەلدە تىركەلگەن 12 ملن 244 مىڭ 683 سايلاۋشى قاتىسادى دەپ كۇتىلگەن. سونداي-اق داۋىس بەرۋ قازاقستاننىڭ الەمنىڭ 59 ەلىندەگى وكىلدىكتەرىندە دە جۇرگىزىلدى.
رەفەرەندۋمعا ءتورت ۇيىمنان 102 بايقاۋشى, نەگىزىنەن تۇركى مەملەكەتتەرى ۇيىمىنىڭ بايقاۋشىلار ميسسياسى, سونداي-اق 30 ەلدەن 75 شەتەلدىك دەلەگات اككرەديتتەلگەن.
ەنەرگەتيكالىق قاۋىپسىزدىككە بەتبۇرىس
جەكسەنبىدە قازاقستاندا ەلدەگى العاشقى اتوم ەلەكتر ستانساسىن سالۋ بويىنشا ماڭىزدى رەفەرەندۋم وتكىزۋگە سايلاۋ ۋچاسكەلەرى اشىلدى. بۇل باستامانى ۇكىمەت پەن ەل پرەزيدەنتى قاسىم-جومارت توقاەۆ قولداپ, ەلدىڭ ەنەرگەتيكالىق قاۋىپسىزدىگىن جاقسارتۋعا بەت بۇردى.
قازاقستاننىڭ وڭتۇستىك-شىعىسىنداعى بالقاش كولىنىڭ ماڭىندا سالىناتىن ەلەكتر ستانساسى ەل تاۋەلدى بولىپ وتىرعان كومىرمەن جۇمىس ىستەيتىن ەلەكتر ستانسالارىنىڭ اۋىرتپالىعىن جەڭىلدەتەدى.
جاڭعىرتىلاتىن ەنەرگيانى پايدالانۋ ارتىپ كەلە جاتقانىمەن, ونى قولداۋشىلار قازاقستاننىڭ الەمدەگى ەڭ ءىرى ۋران وندىرۋشىلەردىڭ ءبىرى رەتىندەگى ۇستانىمى اتوم قۋاتىن تاڭداعانى قيسىندى دەپ باعالادى.
تۇرعىندار جۇمىس ورىندارى اشىلاتىنىنان ءۇمىتتى
قازاقستان ازاماتتارى جەكسەنبى كۇنى ءوزىنىڭ العاشقى اتوم ەلەكتر ستانساسىن سالۋعا قاتىستى رەفەرەندۋمدا داۋىس بەردى. بۇل باستامانى پرەزيدەنت قاسىم-جومارت توقاەۆ ورتالىق ازيا ەلدەرى قورشاعان ورتانى لاستايتىن كومىرگە تاۋەلدى ستانسالاردى بىرتىندەپ جويۋعا بەت بۇرعان كەزەڭدە كوتەرىپ
وتىر.
قازاقستان ۇكىمەتى اەس-ءتى بالقاش وزەنى جاعاسىنداعى ۇلكەن اۋىلى ماڭىنان سالۋدى كوزدەيدى. جەرگىلىكتى تۇرعىندار مۇندا جۇمىس ورىندارى اشىلادى دەپ ۇمىتتەنەدى.
«مەن ەلەكتر ستانساسىن قولدايمىن. بۇل ءبىزدىڭ بولاشاعىمىز», دەيدى اۋىل تۇرعىنى دامەتكەن شۇلگەەۆا.
تابيعي گازدىڭ باي قورىنا قاراماستان, 20 ميلليون حالقى بار ەل ەلەكتر ەنەرگياسىنا سۇرانىسىن جابۋعا نەگىزىنەن كومىر جاعاتىن ەلەكتر ستانسالارىنا, سونداي-اق سۋ ەلەكتر ستانسالارىنا, قارقىن الىپ كەلە جاتقان جاڭارتىلاتىن قۋات كوزدەرىنە ارقا سۇيەيدى.
