ۋنيۆەرسيتەتتىڭ دامۋىنا زور ۇلەس قوسقان ۇستازداردىڭ ءومىر جولى, عىلىمي-پەداگوگيكالىق قىزمەتىن ناسيحاتتاۋ ماقساتىندا ۇيىمداستىرىلعان سالتاناتتى ءىس-شاراعا عىلىم مەن ءبىلىمنىڭ جارقىن بولاشاعىن تالقىلاۋ, جاس عالىمداردىڭ, زەرتتەۋشىلەردىڭ عىلىمي الەۋەتىن دامىتۋ ماسەلەلەرى ارقاۋ بولدى.
«ەل بولاشاعى – ۇستازداردىڭ قولىندا. ۇلاعاتتى ۇستازداردىڭ ارقاسىندا ەلىمىزدىڭ پەداگوگيكالىق جانە وزگە دە سالالارى جوعارى بىلىكتى ماماندارمەن تولىعىپ جاتىر. بۇل, ەڭ الدىمەن, ۇستازدار ىزدەنىسىنىڭ, كاسىبىنە دەگەن سۇيىسپەنشىلىگىنىڭ ناتيجەسى», – دەپ اتاپ ءوتتى ۋنيۆەرسيتەت رەكتورى گۇلميرا قاناي.
جيىندا مەملەكەت باسشىسىنىڭ قازاقستان حالقىنا جولداۋىندا ايتىلعان ۇستازداردىڭ بىلىكتىلىگىن ارتتىرۋ ماسەلەسىنە دەن قويعان ۇستازدار قاۋىمى بۇل باعىتتا بىلىكتى ماماندار, كاسىبي مۇعالىمدەر دايارلاۋدىڭ وزەكتى ەكەنىن العا تارتتى. جيىندا ۋنيۆەرسيتەتتىڭ اعا وقىتۋشىلارى, ءبىلىم جانە عىلىم سالاسىندا قىزمەت ەتىپ جۇرگەن تۇلەكتەرى بايانداما جاساپ, تاجىريبەلەرىمەن ءبولىستى.
ۋنيۆەرسيتەتتىڭ 1971 جىلعى تۇلەگى, فيزيكا-ماتەماتيكا عىلىمدارىنىڭ دوكتورى, پروفەسسور ايناگۇل ەرشينا ۋنيۆەرسيتەت باسشىلىعىنا ارداگەرلەر اتىنان العىس ءبىلدىرىپ, ءبىلىم سالاسىندا قىزمەت ەتكەن 40 جىلعا جۋىق تاجىريبەسىندەگى وزىق ادىستەمەسى, مامان تاربيەلەۋدىڭ قىر-سىرى جايىندا ايتىپ بەردى. ء«ار جەتكەن جەتىستىگىم – قادىرلى ۇستازدارىمنىڭ قاجىرلى ەڭبەگىنىڭ ارقاسى. ءوز ۇستازدارىمىزدان العان ءتالىمدى كەيىنگى تولقىنعا ۇيرەتۋگە تىرىستىق. ساپالى ءبىلىم, زياتكەر قوعام عانا ەلدى العا سۇيرەيتىن كۇش ەكەنىن ماقسات ەتە وتىرىپ, زامان كوشىنەن قالماي بىلىكتىلىگىمىزدى ارتتىرىپ, شاكىرتتەرىمىزگە جاڭا زامانعا ساي ءبىلىم بەرىپ كەلەمىن» دەپ اتاپ ءوتتى.
كەزدەسۋ سوڭىندا ۇستازدارعا قۇرمەت كورسەتىلىپ, ارنايى ماراپات تابىستالدى.
الماتى
