«داۋىس بەرۋ پروتسەسى قۇقىقتىق الاڭ اياسىندا ءوتىپ جاتىر. رەفەرەندۋم كوميسسيالارى مەن مەملەكەتتىك ورگاندار تاراپىنان بۇزۋشىلىقتار تىركەلگەن جوق. ەشقانداي ۇگىت-ناسيحاتقا جول بەرىلىپ جاتقان جوق. وسى تالاپتاردى ساقتاماۋ اكىمشىلىك قۇقىق بۇزۋشىلىق تۋرالى كودەكستىڭ 102, 120-باپتارى بويىنشا جاۋاپتىلىققا اكەپ سوعادى. قازىر مۇنداي زاڭبۇزۋشىلىقتار تۋرالى حابارلاما كەلگەن جوق», دەدى ب.قارامانوۆ ورتالىق كوممۋنيكاتسيالار قىزمەتىندە.
ايتا كەتەيىك, بۇگىن ەل كولەمىندە قوعامدىق ءتارتىپتى ساقتاۋعا 33 مىڭعا جۋىق پوليتسيا قىزمەتكەرى مەن ۇلتتىق ۇلاننىڭ اسكەري قىزمەتشىلەرى جۇمىلدىرىلعان. ونىڭ ىشىندە 18 مىڭ پوليتسەي 10 مىڭنان استام رەفەرەندۋم ۋچاسكەسىندە قىزمەت ەتىپ جاتىر.
