60 جىلعا جۋىق ءومىرىن وقىتۋ ىسىنە ارناعان ۇستازدىڭ ونداعان مىڭ شاكىرتى بار. ول – 350-دەن اسا عىلىمي, وقۋ-ادىستەمەلىك ەڭبەكتىڭ اۆتورى. ونىڭ ىشىندەگى 15 كىتاپ پەن وقۋلىق ورتا مەكتەپكە ارنالعان. الماتىنىڭ قاق ورتاسىندا بىردەن-ءبىر №12 قازاق مەكتەبىندە دە قىزمەت ەتتى. رەفورماتور-ۇستاز – وتاندىق پەداگوگيكانىڭ نەگىزىن سالۋشى, سوتسياليستىك ەڭبەك ەرى, رەسپۋبليكانىڭ ەڭبەك سىڭىرگەن مۇعالىمى. ارتىنا وشپەس ءىز قالدىرعان بىلىكتى پەداگوگتىڭ ەڭبەگى ۇشان-تەڭىز.
جارتى عاسىر بۇرىن قاشىقتان وقىتقان
سۇم سوعىس قۇماش نۇرعاليەۆتىڭ ەكى اياعى مەن ءبىر قولىن ج ۇلىپ السا دا, ومىرگە دەگەن قۇشتارلىعىنا سىزات تۇسىرە العان جوق. ول ء«بىز بالالاردى باقىت ءۇشىن وسىرەمىز!» دەگەن ۇرانمەن ءومىر ءسۇردى, ەڭبەك ەتتى.
سوناۋ 70-جىلداردىڭ وزىندە-اق شىعىس قازاقستاننىڭ تۇكپىرىندەگى بوران اۋىلىنىڭ مەكتەبىن تولىق كومپيۋتەرلەندىرىپ, سپۋتنيكتىك جۇيەدە «قاشىقتان وقىتۋ» يدەياسىن جۇزەگە اسىردى. وسى مەكتەپتى 31 جىل بويى باسقارىپ, وقۋ وشاعىن اۋىلدىڭ مادەني ورتالىعىنا دا اينالدىردى. «قازكسر حالىققا ءبىلىم بەرۋ ءىسىنىڭ ۇزدىگى» اتاعىنا دا يە بولدى. ال وقۋ-تاربيە ۇدەرىسىن تەحنولوگيالاندىرۋدىڭ ەكىنشى كەزەڭىنە ءوتۋ ماقساتىندا وسى تەلەۆيزيا-تەحنيكا ورتالىعىن قۇردى. وسىلايشا, بارلىق پانگە قاجەتتى ديداكتيكالىق ماتەريالداردى, 40 مەكتەپ كابينەتىن تەلەەكراننان كورسەتتى.
قيىن مەكتەپتىڭ قاجىرلى ديرەكتورى
ارحيمەد ىسقاقتىڭ وقۋشىلارعا ۇيرەتەتىن باستى اقىلى – «بىرەۋ وزىڭە قاستاندىق جاساعانىن قالاماساڭ, ءوز-گەگە دە سونى ىستەمە». ءدال وسى ۇستانىممەن ول شارتتى تۇردە سوتتالىپ شىققان, مىنەزى قيىن جاسوسپىرىمدەرگە ارنالعان ەكسپەريمەنتتىك مەكتەپتى باسقاردى.
35 جاسىندا ديرەكتور بولعان ول سوتتالعان جاسوسپىرىمدەرگە ارناپ العاش اقىلى مەكتەپ اشتى. ال سول مەكتەپتە باستى ساباق – ەڭبەك ەدى. ء«بىزدىڭ مەكتەپتە 1988–1993 جىلدار ارالىعىندا وقىعان 1500 بالانىڭ 1200-ءى شارتتى تۇردە سوتتالعاندار بولاتىن. مىنە, سول مىڭ ەكى ءجۇزدىڭ ەكەۋى عانا قايتادان تۇرمەگە ءتۇستى», دەيدى ار-داقتى ۇستاز. قازىر ارحيمەدتىڭ مەكتەبىندە كادىمگى بالالار وقيدى. بۇل دا جاقسىلىق شىعار.
