بۇرىمدى قىز

بۇل چەللەندج قازاق قىزدارىنىڭ اسەم­دىگى مەن تابيعي سۇلۋ­لىعىن ايقىندايتىن, سونداي-اق قازاقتىڭ باي مادەني مۇراسىن ۇلىقتاۋعا ارنالعان ءىس-شارا رەتىندە تانىمال. شاش – قازاق حالقىنىڭ داس­تۇرىندە ەرەكشە ماڭىزعا يە. ونى تەك ءسان ءۇشىن ەمەس, دەن­ساۋلىقتىڭ, تازالىقتىڭ جانە سۇلۋلىقتىڭ بەلگىسى رە­تىندە قادىرلەيدى. سو­نىمەن قاتار بۇل قازاق ما­دەنيەتىنىڭ جاڭ­عىرۋى مەن جاس بۋىنعا ونىڭ ماڭىزدىلىعىن جەتكىزۋ ءتاسىلى ەكەنى انىق.

قازىرگى كەزدە جاھاندانۋ ۇردىسىندە كوپتەگەن جاستار ۇلتتىق قۇندىلىقتى ەلەمەي, باتىس مادەنيەتىنە اۋىتقۋدا. مەكتەپ جاسىنداعى قىزدار جاس شىبىق ءتارىزدى, ونىڭ ءتۇزۋ بولىپ ءوسۋى وتباسى مەن مەكتەپتە العان تاربيەسىنە تىكەلەي بايلانىستى. جاستاردىڭ, اسىرەسە مەكتەپ وقۋشىلارىنىڭ  ۇلتتىق قۇندىلىقتارعا بەت بۇرۋىنا كومەكتەسەتىن مۇنداي باستاما ۇلتتىڭ بولاشاعى ءۇشىن وتە ماڭىزدى.

«العاش رەت 2023–2024 وقۋ جىلىندا بارلىق ءبىلىم ۇيىم­دارىندا ەلىمىزدىڭ جال­پى­­ادامزاتتىق جانە ۇلتتىق قۇن­دىلىقتارعا نەگىزدەلگەن سايا­ساتى كورىنىس تاپقان  ء«بىرتۇتاس تاربيە» باعدارلاماسى ەنگىزىلدى. باعدارلامانىڭ ماقساتى – جال­پى­ادامزاتتىق جانە ۇلت­تىق قۇندىلىق نەگىزىندە سانالى ازامات تاربيەلەۋ. وبلى­سىمىزدا  دا اتالعان باعدارلاما ءوز دەڭ­گەيىندە اتقارىلۋدا. سونىڭ ءبىر دالەلى, وقۋ جىلى باستالىسىمەن الماتى وبلىسى ءبىلىم باسقارماسىنا قا­راستى بارلىق ورتا ءبىلىم بەرۋ ۇيىم­دارىندا ۇلتتىق قۇندىلىق­تى دارىپتەيتىن «بۇ­رىمدى قىز» چەللەندجى باس­تاۋ الدى. تۇپكى ءمانى قازاق قىزىنىڭ بەينەسىن ساقتاۋعا باعىتتالعان. سونىمەن قاتار بۇل اكتسيا قىزدارعا ءوزىن-ءوزى قادىرلەۋ مەن سۇلۋلىعىن باعالاۋدى ۇيرە­تەدى», – دەيدى وبلىستىق ءبىلىم باس­قارماسىنىڭ ءباسپاسوز قىز­مەتكەرى ارداق اسىلباەۆا.     

اتالعان چەللەندجدى ءوڭىردىڭ بارلىق مەكتەپتەرى ءبىر-بىرىنەن قابىل الىپ,  كوركىنە اقىلى ساي بۇرىمدىلار قاتىسىپ جاتىر.

الماتى وبلىسى