ولاردىڭ ايتۋىنشا, ساپاسى سىن كوتەرمەيتىن جول جاقىندا عانا سالىنعان. "قازاۆتوجول" وكىلدەرى قازىرگى تاڭدا ماسەلە شەشىلىپ, مەردىگەر تاراپىنان تولىققاندى جۇمىس جۇرگىزىلدى دەپ سەندىردى.
- 2024 جىلعى 29 قىركۇيەكتە "قازاۆتوجول" ۇك" اق تۇركىستان وبلىستىق فيليال ماماندارى رەسپۋبليكالىق ماڭىزى بار ا-15 "جىزاق – گاگارين – جەتىساي – اباي – سارىاعاش – قاپلانبەك – جىبەك جولى" اۆتوجولىنىڭ 74-220 شاقىرىمى ارالىعىنداعى ورتاشا جوندەۋ ۋچاسكەسىندە اقاۋلاردى انىقتادى. بۇل اقاۋلار اۆتوجولدىڭ 212+600 شاقىرىمىندا انىقتالدى. قالىپقا كەلتىرۋ بويىنشا مەردىگەر كومپانياعا تاپسىرما بەرىلدى. قازىرگى تاڭدا كومپانيا تولىققاندى جۇمىستاردى اتقاردى, – دەدى "قازاۆتوجول" ۇك رەسمي وكىلى ساكەن دىلداحمەت.
"قازاۆتوجول" ماماندارى مەردىگەر مەكەمەگە بارلىق انىقتالعان اقاۋلاردى جويۋ جانە سول جۇمىستاردىڭ ساپاسى مەن قورىتىندىسىن راستاۋ ءۇشىن ارنايى اككرەديتتەلگەن زەرتحانالار مەن ينستيتۋتتاردان راستايتىن قۇجاتتى ۇسىنۋدى تاپسىرعان. سونداي-اق كەلىسىمشارتقا سايكەس مەردىگەرگە انىقتالعان كەمشىلىكتەر بويىنشا ايىپپۇل سالىنعان.
