فوتو: polisia.kz
شقو پوليتسيا دەپارتامەنتىنىڭ كوشى-قون قىزمەتى باسقارماسى قوس ازاماتتىعى بار وبلىس اۋماعىندا تۇراتىن ادامداردى انىقتاۋ ءۇشىن ۇنەمى تەكسەرۋلەر جۇرگىزەدى. مىسالى, وسكەمەن قالاسىنىڭ 59 جاستاعى تۇرعىنى 2021 جىلدىڭ مامىر ايىندا كورشى مەملەكەتتىڭ ازاماتتىعىن العان, بىراق بۇل تۋرالى زاڭدا بەلگىلەنگەن مەرزىمدە قۇقىق قورعاۋ ورگاندارىنا حابارلاماعان.
«شەتەلدىكتىڭ جەكە كۋالىگى مەن قازاقستان رەسپۋبليكاسى ازاماتىنىڭ تولقۇجاتى تاركىلەنىپ, قازاقستان ازاماتتىعىنان ايىرۋ تىركەلدى. زاڭدى بۇزعانى ءۇشىن ەر ادام 200 اەك كولەمىندە ايىپپۇل تولەدى», دەدى شقو پد كوشى-قون قىزمەتى باسقارماسىنىڭ باستىعى رينات شكيباەۆ.
جالپى جىل باسىنان بەرى ءتارتىپ ساقشىلارى قوس ازاماتتىقتى رەسىمدەگەن وبلىستىڭ 48 تۇرعىنىن انىقتادى, ونىڭ 9-ى سوت شەشىمى بويىنشا ەل اۋماعىنان شىعارىلدى.
