فوتو: freepik.com
مەتەورولوگتاردىڭ مالىمەتىنشە, كەزەكتى سولتۇستىك-باتىس انتيتسيكلونى قازاقستاننىڭ باسىم بولىگىنە اسەر ەتەدى, تيىسىنشە كۇن سۋىتا باستايدى. دەسە دە ماماندار جاۋىن-شاشىن جاۋمايتىنىن حابارلادى.
«تەك ەلدىڭ وڭتۇستىك-باتىسىندا, وڭتۇستىگىندە جانە وڭتۇستىك-شىعىسىندا اتموسفەرالىق فرونتتاردىڭ وتۋىمەن نايزاعاي ويناپ, جاڭبىر جاۋادى. 3 قازاندا وڭتۇستىك-باتىستا قاتتى جاڭبىر جاۋادى. ال وڭتۇستىك-شىعىستىڭ تاۋلى ايماقتارىندا جاڭبىر مەن قار جاۋادى دەپ بولجانىپ وتىر. رەسپۋبليكا بويىنشا جەل كۇشەيىپ, تۇندە جانە تاڭەرتەڭ تۇمان تۇسەدى», دەيدى سينوپتيكتەر.
وعان قوسا ەلدىڭ سولتۇستىك, شىعىس جانە ورتالىق ايماقتارىندا تۇنگى ۋاقىتتا اۋا تەمپەراتۋراسى -2-8 ايازعا دەيىن تومەندەيتىنى ەسكەرتىلدى.
