فوتو Ult.kz
ايىپتالۋشىلار ازاماتتاردان اقشا الۋ ءۇشىن الدامشى سحەمالاردى قولدانعان.
ولار الەۋمەتتىك جەلىلەردە, سونداي-اق ءارتۇرلى ينتەرنەت-جارناما پلاتفورمالارىندا تاۋنحاۋستار سالۋدى ۇسىناتىن اقپاراتتى ورنالاستىرعان.
وزدەرىن كاسىپكەر رەتىندە تانىستىرىپ, جەر تەلىمدەرى جوق بولا تۇرا تۇتىنۋشىلاردان الدىن الا قاراجات الىپ, ولاردى قۇرىلىس كەلىسىمشارتىنىڭ ورىندالاتىنىنا سەندىرەدى.
قوماقتى قاراجاتتى قالتاسىنا باسقان الاياقتار كەلىسىم-شارتتا بەلگىلەنگەن مەرزىمدە تۇرعىن ءۇي سالۋعا ۋادە بەرىپ, بىراق ءىس جۇزىندە ورىنداماي, ۇلەسكەرلەردى اۋرە-سارساڭعا سالادى.
«ورال قالاسى پروكۋراتۋراسى ەكى ايىپتالۋشىنىڭ اسا ءىرى كولەمدە الاياقتىق ارەكەتتەر جاساعانىن دالەلدەدى. سوتتا ايىپتالۋشىلار جابىرلەنۋشىلەرمەن ازاماتتىق-قۇقىقتىق قارىم-قاتىناستىڭ بار ەكەنىن العا تارتىپ, كىناسىن مويىندامادى. الايدا سوت ايىپتالۋشىلاردى كىنالى دەپ تاۋىپ, 6 جانە 7 جىلعا باس بوستاندىعىنان ايىردى. 32 ۇلەسكەرگە 490 888 000 تەڭگە كولەمىندە كەلتىرىلگەن شىعىن جابىرلەنۋشىلەردىڭ پايداسىنا تولىق كولەمدە ءوندىرىلدى» دەلىنگەن بقو وبلىستىق پروكۋراتۋراسى ءباسپاسوز قىزمەتىنىڭ حابارلاماسىندا.
