فوتو: قىزىلوردا وبلىستىق اكىمدىگى
وبلىس اكىمى نۇرلىبەك نالىباەۆ قالا تۇرعىندارىن جاڭا مەكتەپتىڭ اشىلۋىمەن قۇتتىقتادى.
«بيىل ءوڭىردىڭ ءبىلىم سالاسىنا بولىنگەن قارجى 262 ملرد 100 ملن تەڭگەگە جەتىپ, وبلىس بيۋدجەتىنىڭ 35,2 پايىزىن قۇرادى. ۇلتتىق جوبا اياسىندا 740 مىڭ وقۋشىعا ارنالعان 369 مەكتەپ سالىنادى. وسى جوبامەن وڭىرىمىزدە 12 300 ورىنعا لايىقتالعان 21 مەكتەپ سالۋ جوسپارلانعان, ونىڭ 10-نىڭ قۇرىلىسى باستالدى. جوبانى ىسكە اسىرۋ ارقىلى ايماعىمىزداعى 4 اپاتتى جانە 3 بەيىمدەلگەن مەكتەپتىڭ ماسەلەسى شەشىلەدى. بۇگىن رەسپۋبليكالىق بيۋدجەتتىڭ تىكەلەي قارجىلاندىرۋىمەن, "سامۇرىق-قازىنا" اكتسيونەرلىك قوعامىنىڭ ۇيلەستىرۋىمەن, 6 ملرد 851 ملن تەڭگەگە سالىنعان وبلىستاعى العاشقى 900 ورىندىق "جايلى مەكتەپ" ەل يگىلىگىنە بەرىلدى. بۇل عيمارات قىزىلوردا قالاسىنىڭ سول جاعالاۋى تۇرعىندارىنىڭ مەملەكەتتىك مەكتەپكە دەگەن سۇرانىسىنا تولىق جاۋاپ بەرەدى. ءبىلىم ورداسىندا شاكىرتتەردىڭ تولىققاندى ءبىلىم الۋىنا, ۇستازداردىڭ شىعارماشىلىقپەن ەڭبەك ەتۋىنە بارلىق جاعداي جاسالعان», دەدى نۇرلىبەك نالىباەۆ.
«سامۇرىق-قازىنا كونستراكشن» اكتسيونەرلىك قوعامىنىڭ باسقارما توراعاسى ماۋلەن ايمانبەتوۆتە جىلى لەبىزىن ءبىلدىردى.
قىزىلوردا وبلىسى اكىمدىگىنىڭ ايتۋىنشا جىل سوڭىنا دەيىن 12 جاڭا مەكتەپ جانە 4 مەكتەپ جانىنداعى قوسىمشا قۇرىلىس اياقتالىپ, پايدالانۋعا بەرىلەدى. وتكەن جىلى 1 170 ورىندىق 4 مەكتەپ, وسى جىلدىڭ باسىندا 550 ورىندىق 2 مەكتەپ ەل يگىلىگىنە بەرىلدى. بيىلعى جاڭا وقۋ جىلى قارساڭىندا شيەلى اۋدانىندا ء«بىلىم بەرۋ ينفراقۇرىلىمىن قولداۋ» قورىنىڭ قارجىلاندىرۋىمەن 100 ورىندىق, جاڭاقورعان اۋدانىندا جەرگىلىكتى بيۋدجەت ەسەبىنەن 150 ورىندىق مەكتەپتەر ەل يگىلىگىنە تابىستالعان.
