الەمدەگى ستۋدەنتتەر الماسۋ «Erasmus» ورتالىعىنىڭ كوزقاراسىنا سايكەس شەتەلدە ۋاقىتشا ءبىلىم الىپ, بىراق قالىپ قويۋعا مۇمكىندىك بەرمەيتىن بىردەن-ءبىر باستاما – اكادەميالىق ۇتقىرلىق باعدارلاماسى. بۇل باعدارلاما سەرىكتەس ۋنيۆەرسيتەتتەر كەلىسىمىمەن ىزدەنۋشىنىڭ ءبىلىم دەڭگەيىن كوتەرۋ, وي-ءورىسىن كەڭەيتۋ ماقساتىندا وتكىزىلەدى. ەكى سەرىكتەس ۋنيۆەرسيتەت اراسىنداعى كەلىسىمشارت نەگىزىندە ستۋدەنت الماسۋدىڭ ۋاقىتى 3 ايدان كەم, 1 جىلدان ارتىق بولماۋى كەرەك.
الەمدەگى بولون جۇيەسىنىڭ باعالاۋ ولشەمىن قابىلداعان ۋنيۆەرسيتەتتەر اراسىندا وقىتۋشىلار مەن ستۋدەنتتەردىڭ ءبىلىم الماسۋ كورسەتكىشى جوعارىلاي ءتۇستى. بولون جۇيەسىنە مۇشە مەملەكەتتەر اكادەميالىق ماسەلەلەردى تالقىلاۋ ماقساتىندا كەزدەسۋلەر ۇيىمداستىرىپ, ستۋدەنتتەردىڭ ءپان تاڭداۋ ەركىندىگىن, جاڭا عىلىمي سالالاردىڭ باسقا مادەنيەتكە بەيىمدەلۋىن كوزدەيتىن كەلىسىمدەر جاساۋدى قولعا الدى. جوو-لار اراسىندا ءارتۇرلى مادەنيەتتەرگە, تىلدەرگە, ۇلتتىق قۇندىلىقتارعا قۇرمەتپەن قاراۋ, ۋنيۆەرسيتەتتىك اۆتونوميا مەن اكادەميالىق ەركىندىكتەردى دامىتۋ سياقتى باعدارلاما جۇزەگە اسىرىلا باستادى.
اكادەميالىق ۇتقىرلىق – مەملەكەتكە, جوعارى وقۋ ورىندارىنا, ستۋدەنتتەرگە ءتيىمدى باعدارلاما. ستۋدەنتتەر ارقىلى مادەنيەتتەردى تانىستىرۋ, مەملەكەتتىڭ عىلىمي تاجىريبە الماسۋى جۇزەگە اسادى. مىسالى, حالىقارالىق ىنتىماقتاستىق دەپارتامەنتتەرى وكىلدەرىنىڭ اقپاراتىنا سۇيەنسەك, اقتوبەدەگى ق.جۇبانوۆ ۋنيۆەرسيتەتى – شەتەلدىك 13 ۋنيۆەرسيتەتكە, ل.ن.گۋميلەۆ اتىنداعى ەۇۋ – 59 ۋنيۆەرسيتەتكە, م.قوزىباەۆ اتىنداعى سقۋ – 15 ۋنيۆەرسيتەتكە, سەمەي قالاسىنداعى شاكارىم ۋنيۆەرسيتەتى 16 ۋنيۆەرسيتەتكە اكادەميالىق ۇتقىرلىق باعدارلاماسى نەگىزىندە 3 ايدان 1 جىلعا دەيىن ستۋدەنتتەر جىبەرەدى.
قازىرگى كەزدە اكادەميالىق ءبىلىم الماسۋ باعدارلامالارىنىڭ ءتۇرى وتە كوپ. مىسالى, «Erasmus», «Orhun», «Aiesec», «UGrad Program», «ISEP» جانە «AUF». 2024 جىلى Eurostat جاريالاعان ەسەپتە ەۋروپا قۇرلىعىندا ورنالاسقان 27 مەملەكەتتىڭ ىشىندە ازيادان كەلەتىن ستۋدەنتتەردىڭ كوپشىلىگى تۇركيا, لاتۆيا, كيپر مەملەكەتتەرىندە وقيتىنى كورسەتىلگەن. ال قازاقستان ۋنيۆەرسيتەتتەرىنە قاتىستى ساۋالناماعا زەر سالساق, تۇركيا, پولشا, لاتۆيا مەملەكەتتەرىندە اكادەميالىق ۇتقىرلىق ارقىلى ءبىلىم الاتىن ستۋدەنتتەر سانى باسىم. حالىقارالىق ىنتىماقتاستىق دەپارتامەنتتەرىنىڭ ماماندارى ەلىمىزگە ەۋروپا مەملەكەتتەرىنەن گورى قىرعىزستان مەن رەسەيدەن كەلىپ وقيتىن ستۋدەنتتەردىڭ سانى كوبىرەك ەكەنىن مالىمدەدى.
دەرەككوز: Eurostat Statistics Explained. Learning mobility statistics 2024
جوعارى ءبىلىمدى دامىتۋ ورتالىعىنىڭ ەسەبىنە سايكەس پەداگوگيكا باعىتىندا شەتەلگە تاجىريبە الماسۋعا كەتەتىن ستۋدەنتتەردىڭ سانى ۆەتەرينارلىق مەديتسينا بويىنشا سىرتتان ءبىلىم الۋعا شىعاتىن ستۋدەنتتەرمەن سالىستىرعاندا 30 ەسەگە كوپ. بۇل ستاتيستيكا ارقىلى ۆەتەرينارلىق مەديتسينا باعدارلاماسى بار جوو-لار تانىمال ەمەس ەكەنىن كورۋگە بولادى.
دەرەككوز: جوعارى ءبىلىمدى دامىتۋ ۇلتتىق ورتالىعى, اكادەميالىق ۇتقىرلىق باعدارلامالارىن ىسكە اسىرۋ جونىندەگى ادىستەمەلىك ۇستانىمدار enic-kazakhstan.edu.kz
بۇگىندە ەلىمىزدە حالىقارالىق ءبىلىم باعدارلامالارى مەن جوبالار كوپتەپ قولعا الىنىپ جاتىر. بۇل قازىرگى ەڭبەك نارىعىندا سۇرانىسقا يە مامانداردى دايارلاۋدىڭ ماقساتى رەتىندە قاراستىرىلادى.
ايدانا قۇلمان,
قازاقستان قوعامدىق دامۋ ينستيتۋتىنىڭ ساراپشىسى
