اتاپ ايتقاندا, مەملەكەت تاراپىنان مەكتەپكە 90 جۇپ كونكي مەن 90 جۇپ شاڭعى بەرىلىپ, قىسقى سپورت تۇرلەرىمەن تۇراقتى تۇردە اينالىسۋعا مۇمكىندىك قاراستىرىلعان.
مۇمكىندىكتەردى بارىنشا ءتيىمدى پايدالانۋ ماقساتىندا مەكتەپ پەن تۇركىستان قالاسىنداعى مۇز ساراي سپورت كەشەنى اراسىندا 2025 جىلدىڭ قاڭتار ايىنان باستاپ ء«وزارا ىنتىماقتاستىق تۋرالى مەموراندۋم» تۇزىلگەن. كەلىسىم اياسىندا مەكتەپ وقۋشىلارى وزدەرىنە بەرىلگەن كونكيلەردى پايدالانىپ, مۇز ايدىنىنا كىرۋ قىزمەتىن جارتى باعامەن قولدانا الادى. بۇل باستاما اتا-انالار ءۇشىن دە قولايلى بولىپ, بالالاردىڭ سپورتقا دەگەن قىزىعۋشىلىعىن ارتتىرۋعا وڭ ىقپال ەتىپ جاتىر.
قازىر مەكتەپتە «مۇزبەن سىرعاناۋ» ۇيىرمەسى تۇراقتى تۇردە جۇمىس ىستەيدى. ۇيىرمە اياسىندا وقۋشىلار كونكي تەبۋدىڭ باستاپقى ءادىس-تاسىلدەرىن مەڭگەرىپ قانا قويماي, قاۋىپسىزدىك تالاپتارىن ساقتاۋدى, دەنە تەپە-تەڭدىگىن ۇستاپ, شاپشاڭدىق پەن يكەمدىلىكتى دامىتۋدى ۇيرەنىپ ءجۇر. سونىمەن قاتار ۇيىرمە جۇمىسى بالالاردىڭ ءوزارا قارىم-قاتىناسىن نىعايتىپ, كوماندالىق رۋحتى قالىپتاستىرۋعا دا سەپتىگىن تيگىزىپ وتىر.
سەمەيدە «ابايدىڭ زياتكەرلىك ىزىمەن» توعىزقۇمالاق ۇيىرمەسى اشىلدى
ء«بىزدىڭ باستى ماقساتىمىز – وقۋشىلاردىڭ جان-جاقتى دامۋىنا جاعداي جاساۋ. بۇگىندە بالالاردىڭ بوس ۋاقىتىن ءتيىمدى ۇيىمداستىرۋ وتە وزەكتى ماسەلە. وسى رەتتە مۇزبەن سىرعاناۋ ۇيىرمەسى – وقۋشىلاردىڭ دەنساۋلىعىن نىعايتىپ قانا قويماي, ولاردىڭ سپورتقا دەگەن قىزىعۋشىلىعىن ارتتىراتىن ماڭىزدى جوبا. مەملەكەت تاراپىنان كورسەتىلگەن قولداۋ مەن سەرىكتەستىك بايلانىستاردىڭ ارقاسىندا ءبىز بالالارعا ساپالى مۇمكىندىك ۇسىنىپ وتىرمىز. الداعى ۋاقىتتا بۇل باعىتتاعى جۇمىستاردى ودان ءارى جانداندىرا بەرەمىز, دەدى مەكتەپ ديرەكتورى ايگۇل باباشەۆا.
ءبىلىم بەرۋ ۇيىمدارىندا سپورتتىق باعىتتاعى باستامالاردى دامىتۋ – بولاشاقتا دەنى ساۋ, بەلسەندى ءارى ماقساتشىل ۇرپاق قالىپتاستىرۋدىڭ بەرىك نەگىزى بولماق.
