فوتو: اشىق دەرەككوز
قازاقستان مەن ۇلىبريتانيا جانە سولتۇستىك يرلانديا بىرىككەن كورولدىگى اراسىنداعى ستراتەگيالىق ارىپتەستىك پەن ىنتىماقتاستىق تۋرالى قۇجات بۇعان دەيىن ماجىلىستە ماقۇلدانىپ, كەيىن سەناتتا بەكىتىلگەن.
سىرتقى ىستەر ءمينيسترىنىڭ ورىنباسارى ارمان يسەتوۆتىڭ مالىمدەۋىنشە, قۇجات راتيفيكاتسيالانعاننان كەيىن العاشقى قادامداردىڭ ءبىرى رەتىندە ستۋدەنتتەر, وقىتۋشىلار, رەسمي دەلەگاتسيالار جانە بيزنەس وكىلدەرى ءۇشىن ۆيزا راسىمدەۋ ءتارتىبىن جەڭىلدەتۋ قاراستىرىلۋى مۇمكىن.
« ۇلىبريتانيا ميگراتسيالىق ساياساتتى قاتاڭداتقانىمەن, قازاقستان بۇل ماسەلەنى ەكىجاقتى كەلىسسوزدەردە تۇراقتى تۇردە كوتەرىپ كەلەدى. راتيفيكاتسيا اتالعان باعىتتاعى ديالوگتى دامىتۋعا قوسىمشا نەگىز قالىپتاستىرادى», دەدى ارمان يسەتوۆ.
ساياسات نۇربەك: «بولاشاق» تۇلەكتەرىنىڭ ۇشتەن ءبىرى اقش-قا ۆيزا الا الماي ءجۇر
كەلىسىمگە 2024 جىلعى 24 ساۋىردە استانادا قول قويىلعان. قۇجات ەكى ەل اراسىنداعى ساياسي, ەكونوميكالىق, قۇقىقتىق, گۋمانيتارلىق جانە ەكولوگيالىق سالالارداعى ىنتىماقتاستىقتى جۇيەلى تۇردە دامىتۋعا جانە ينۆەستيتسيالىق مۇمكىندىكتەردى كەڭەيتۋگە باعىتتالعان. جاڭا كەلىسىم ۇلىبريتانيانىڭ ەۋروپالىق وداقتان شىققاننان كەيىن ەكىجاقتى قاتىناستاردى رەتتەۋ قاجەتتىگىنەن تۋىنداعان.
استانالىق ايەل اقش-قا ۆيزا جاساتىپ بەرەمىن دەپ 6 ادامدى الداپ كەتكەن
نۇربولات امانبەك
