فوتو: istockphoto.com
بۇل توپقا COVID-19 پاندەمياسىن تۋدىرعان SARS-CoV-2, SARS ۆيرۋسى, سونداي-اق ادامعا جۇعۋ قاۋپى بار جانۋارلاردىڭ كوروناۆيرۋستارى جاتادى.
ۆاكتسينانىڭ نەگىزگى ەلەمەنتى رەتىندە «سۋپەرانتيگەن» دەپ اتالاتىن كومپونەنت قولدانىلعان. ول ۆيرۋستاردىڭ گەنەتيكالىق دەرەكتەرىن تالداۋ ارقىلى جاسالعان.
كەمبريدج بەن ساۋتگەمپتون قالالارىندا وتكەن العاشقى كلينيكالىق سىناققا 39 ەرىكتى قاتىسقان. عالىمداردىڭ ايتۋىنشا, ۆاكتسينا بارلىق دوزادا ءساتتى ەنگىزىلىپ, قاۋىپسىزدىك تۇرعىسىنان ەلەۋلى ماسەلە انىقتالماعان.
قاتەرلى ىسىكتى انىقتاۋعا بەس سۋرەت جەتكىلىكتى: جاس عالىم ازىرلەگەن الگوريتمنىڭ ەرەكشەلىگى قانداي؟
دەگەنمەن زەرتتەۋشىلەردىڭ ايتۋىنشا, ۆاكتسينا ءالى تولىق دايىن بولماعان. ەندىگى كەزەڭدە اۋقىمدى كلينيكالىق سىناقتار جۇرگىزۋ جوسپارلانعان. ماماندار بۇل تەحنولوگيا بولاشاقتا جاڭا ۆيرۋستارعا قارسى جىلدام ۆاكتسينا ازىرلەۋگە مۇمكىندىك بەرەتىنىن ايتادى.
ەسكە سالا كەتەيىك, بۇعان دەيىن امەريكالىق Life Biosciences كومپانياسى جاسۋشالاردىڭ قارتايۋىن باياۋلاتاتىن گەندىك تەراپيانى العاش رەت ادامعا سىناقتان وتكىزدى.
كومپانيا وكىلدەرىنىڭ ايتۋىنشا, ەگەر سىناقتار ءساتتى وتسە, بولاشاقتا بۇل تەحنولوگيانى تەك كوز اۋرۋى, باۋىر مەن باسقا دا اعزالاردىڭ قارتايۋىنا قارسى قولدانۋعا بولادى.
