فوتو: الماتى حايۋاناتتار باعى
مىسىق تۇقىمداسىنا جاتاتىن جىرتقىشتار الماتىعا 6 ساۋىردە اكەلىنىپ, مىندەتتى ۆەتەرينارلىق باقىلاۋدان وتكىزىلگەن. قازىرگى تاڭدا ولار جاڭا ورتاعا تولىق بەيىمدەلىپ, كەلۋشىلەر ءۇشىن كورمەگە شىعارىلعان.
سىلەۋسىندەردىڭ ەركەگى – 3 جاستا, ۇرعاشىسى – 7 جاستا. ولار زووباقتاعى «لەوپارد شەڭبەرى» دەپ اتالاتىن ۇساق جىرتقىشتارعا ارنالعان ۆولەر كەشەنىنە ورنالاستىرىلعان.
كانادالىق سىلەۋسىندەر ءوز تۇقىمداستارىنىڭ اراسىندا ۇلكەندىگىمەن ەرەكشەلەنەدى. سولتۇستىك امەريكانىڭ سۋىق كليماتىنا بەيىمدەلگەن جىرتقىشتى قۇلاعىنداعى شاشاقتارى مەن قالىڭ ءجۇنى ارقىلى تانۋعا بولادى.
مامانداردىڭ ايتۋىنشا, جانۋارلار جۇبىنىڭ جاڭا ورتاعا بەيىمدەلۋى ءساتتى وتسە, ولاردان ۇرپاق الۋ مۇمكىندىگى دە قاراستىرىلىپ وتىر. بۇل بيولوگيلىق ءتۇردى ساقتاۋعا ۇلكەن مۇمكىندىك بولماق.
ەسكە سالا كەتەيىك, بۇعان دەيىن رەسەي پرەزيدەنتى ۆلاديمير پۋتين ەلىمىزگە مەملەكەتتىك ساپارى اياسىندا ءتورت امۋر جولبارىسىن سىيعا تارتقان بولاتىن. جولبارىستاردىڭ اتالىعىنا امۋر, انالىعىنا ءۇمىت ەسىمى بەرىلدى. ال ولاردىڭ كۇشىكتەرى تۇران جانە ۋسسۋري دەپ اتالدى.
