اسىرەسە Apple قۇرىلعىلارى مەن iCloud بۇلتتىق قىزمەتىن قولدانۋشىلارعا باعىتتالعان جاڭا فيشينگتىك سحەما تىركەلگەن. الاياقتار iCloud بۇلتتىق قويمانىڭ تولىپ كەتكەنى تۋرالى جالعان حابارلامالار تاراتىپ, ەلەكتروندى پوشتا, SMS جانە push-ەسكەرتۋلەر ارقىلى ادامداردى الداۋعا تىرىسادى.
حابارلامالاردا ادەتتە «بۇلتتىق جاد تولىپ قالدى», «اككاۋنت بۇعاتتالۋى مۇمكىن» نەمەسە «دەرەكتەر وشىرىلەدى» دەگەن مازمۇن كورسەتىلەدى. مۇنداي قورقىتۋ ارقىلى پايدالانۋشىنى جەدەل ارەكەت ەتۋگە يتەرمەلەيدى.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى
جالعان حابارلامادا كورسەتىلگەن سىلتەمە ارقىلى وتكەن ادامنان اككاۋنت دەرەكتەرىن, قۇپياسوزىن جانە ءتىپتى بانك كارتاسى تۋرالى اقپاراتتى ەنگىزۋ سۇرالادى. الايدا بۇل سىلتەمە رەسمي سەرۆيسكە ەمەس, سىرتقى فيشينگتىك سايتقا باعىتتايدى. ناتيجەسىندە بارلىق ەنگىزىلگەن مالىمەتتەر الاياقتاردىڭ قولىنا تۇسەدى.
مامانداردىڭ ايتۋىنشا, مۇنداي سحەما تەك iCloud-پەن شەكتەلمەيدى. الاياقتار Google Drive, Mail.ru جانە ياندەكس ديسك سياقتى تانىمال سەرۆيستەردىڭ اتىن پايدالانىپ, كەڭ اۋقىمدى شابۋىلدار جاساپ وتىر.
قاۋىپتىڭ الدىن الۋ ءۇشىن ماماندار كۇماندى سىلتەمەلەرگە وتپەۋگە, اككاۋنت جاعدايىن تەك رەسمي قوسىمشا نەمەسە سايت ارقىلى تەكسەرۋگە, ەكى فاكتورلى قورعاۋدى قوسۋعا جانە ءار سەرۆيسكە بولەك كۇردەلى قۇپياسوز قولدانۋ كەرەك.
الاياقتىقتىڭ جاڭا ءتاسىلى تارادى: قاسكۇنەمدەر داۋىسىن وزگەرتىپ, سەنىمگە كىرەدى
- قۇپياسوزدى وزگەرتۋ (كۇردەلىرەك نۇسقاسىنا);
- بارلىق قۇرىلعىلاردان شىعۋ;
- تولەم دەرەكتەرىن تەكسەرۋ;
- رەسمي قولداۋ قىزمەتىنە جۇگىنۋ.
باس پروكۋراتۋرا كەز كەلگەن «اككاۋنت بۇعاتتالادى» نەمەسە «دەرەكتەر وشىرىلەدى» دەگەن حابارلامالاردى تەك رەسمي دەرەككوزدەر ارقىلى تەكسەرۋ كەرەكتىگىن قاتاڭ ەسكەرتەدى.
