ۆەدومستۆونىڭ مالىمەتىنشە, وڭىرلىك كوميسسيا ەلەكتروندىق شوت-فاكتۋرالارعا (ەشف) جۇرگىزىلگەن تالداۋ بارىسىندا باعانى جاساندى تۇردە كوتەرۋ سحەماسىن اشكەرەلەگەن.
انىقتالعانداي, جەكە كاسىپكەر دەلدالدىق تىزبەك قۇرىپ, تاۋارلاردى ءوزى باقىلاۋىنداعى جاۋاپكەرشىلىگى شەكتەۋلى سەرىكتەستىككە (جشس) قايتا ساتقان. ياعني قاراقۇمىق, قانت جانە تۇز سياقتى الەۋمەتتىك ماڭىزى بار ونىمدەر ء«وز ىشىندە» اينالىمعا ءتۇسىپ, باعا جاساندى تۇردە وسىرىلگەن.
ناتيجەسىندە حالىققا ساتىلاتىن سوڭعى باعا ايتارلىقتاي قىمباتتاعان. ماسەلەن, قاراقۇمىق جارماسىنا 127% ساۋدا ۇستەمەسى قوسىلىپ, 241 تەڭگەدەن الىنعان ءونىم 550 تەڭگەدەن ساتىلعان. سونداي-اق قانتقا – 45%, اس تۇزىنا 41% ۇستەمە بەلگىلەنگەن.
زاڭناماعا سايكەس, الەۋمەتتىك ماڭىزى بار تاۋارلارعا رۇقسات ەتىلەتىن ساۋدا ۇستەمەسى 15%-دان اسپاۋى ءتيىس.
اتالعان دەرەك بويىنشا قۇقىق بۇزۋشىعا قاتىستى اكىمشىلىك ءىس قوزعالىپ, ايىپپۇل سالىندى.
مامانداردىڭ ايتۋىنشا, نەگىزگى ناتيجە – ءتيىمسىز دەلدالدىڭ ساۋدا تىزبەگىنەن شىعارىلۋى, بۇل باعانىڭ ءادىل قالىپتاسۋىنا مۇمكىندىك بەرەدى.
اباي وبلىسىندا ازىق-ت ۇلىك باعاسىن نەگىزسىز كوتەرگەن كاسىپكەرلەر جازاعا تارتىلدى
دەپارتامەنتتىڭ دەرەگىنشە, جىل باسىنان بەرى وڭىردە 70-تەن استام ساۋدا نىسانىنىڭ قۇجاتتارى تالدانىپ, ناتيجەسىندە 10-نان استام دەلدالدىق سحەما نارىقتان جويىلعان. قاداعالاۋ جۇمىستارى جالعاسىپ جاتىر.
