سۋرەتتى تۇسىرگەن – اۆتور
عيبادات ءۇيىنىڭ قۇرىلىسى ءۇش جىل بۇرىن باستالعان. ەرتىستىڭ وڭ جاعالاۋىنداعى جىبەك ماتالار كومبيناتى شاعىن اۋدانىندا 146 مىڭ حالىق تۇرادى. كۇلەنوۆ كەنتىندە عانا 16 مىڭ جان سانى بار. سوندىقتان ەسەپ-قيساپقا جۇگىنە وتىرىپ, كاسىپكەرلەر جاڭا شاعىن اۋدانعا ءبىر مەشىت كەرەك دەپ شەشكەن.
– وسكەمەندە وسىدان 12 جىل بۇرىن حاليفا التاي مەشىتى اشىلعان. سودان كەيىن اشىلىپ تۇرعان مەشىت – وسى. ايتا كەتەيىن, بۇل قۇلشىلىق ورنى عانا ەمەس, سونداي-اق قازاقتىڭ سالت-ءداستۇرىن, ادەت-عۇرپىن ۇيرەتەتىندەي ورتالىق اشىلۋى كەرەك. جاستاردى رۋحانياتقا, ءتۇزۋ جولعا باۋلىپ, جامان ادەتتەردەن اۋلاق بولۋعا شاقىرۋىمىز كەرەك. بىزدىكى ۇسىنىس. قالعانىن ءمۇفتيات وزدەرى ناقتىلايدى, – دەدى قۇرىلىس جۇمىستارىنا دەمەۋ بولعان كاسىپكەر قاينار دۇيسەنوۆ.
ارينە, قازاقتىڭ ۇمىت بولىپ بارا جاتقان سالتىن وسىنداي رۋحاني ورىنداردا ۇيرەتىپ, جاستاردىڭ ساناسىنا ءسىڭىرۋ قاجەت-اق. جاڭادان بوي كوتەرگەن مەشىتتىڭ ىشكى-سىرتقى ساۋلەتى, ديزاينى دا قازاقى ورنەكتەرمەن بەزەندىرىلگەن. ەڭسەلى عيمارات مىڭ ادامعا شاقتالعان. مۇنارالارىنىڭ بيىكتىگى – 20 مەتر. مەشىتتىڭ نەگىزگى زالىندا ءتالىم-تاربيە, ساباق بەرۋ ماقساتىندا 36 شارشى مەترلىك لەد-ەكران قويىلعان. تۇسىنگەنىمىزدەي, اراب تىلىندە وقىلىپ جاتقان سۇرەلەر قازاقشا اۋدارىلىپ, ەكراننان شىعىپ تۇراتىن كورىنەدى.
مەشىتتىڭ تاعى ءبىر ەرەكشەلىگى, ەرلەر مەن ايەلدەر ەكى بولەك ەسىكتەن كىرىپ, ەكى جاقتا ناماز وقيدى. قۇران باعىشتاۋعا ارنالعان بولمە دە بار. بالا-شاعاسىمەن كەلگەن جاماعاتتىڭ دا جاعدايى ويلاستىرىلىپ, شاعىن عانا وينايتىن بۇرىش جاسالعان. سونداي-اق 230 ادامعا ارنالعان قاتىمحانا اشىلدى. اس پەن ناۋقاننان تۇسەتىن قاراجات مەشىتتىڭ كوممۋنالدىق قىزمەتتەرىن تولەۋگە جۇمسالادى.
وبلىستىڭ باس يمامى ەرمەك قاجى مۇقاتاي ۇلىنىڭ ايتۋىنشا, 19-شاعىن اۋدان تۇرعىندارى مەشىتتىڭ قاجەتتىلىگىن بۇرىننان ايتىپ ءجۇرىپتى.
– حالىقپەن كەزدەسكەن سايىن مەشىت بولسا دەپ تىلەك بىلدىرەتىن. نيەتتەرىنە قاراي كاسىپكەر ازاماتتار قولعا الىپ, تىلەك قابىل بولدى. از ۋاقىتتىڭ ىشىندە ءزاۋلىم مەشىت بوي كوتەردى, – دەدى ەرمەك قاجى مۇقاتاي ۇلى.
ايتقانداي, ءال-ءفارابيدىڭ اتاۋىن بەرۋ تۋرالى ۇسىنىس ءدىني باسقارماعا جىبەرىلدى.
وسكەمەن
