فوتولار: Oqu-agartu ministrligi
وقۋ-اعارتۋ مينيسترلىگىنەن ءمالىم بولعانداي, اتالعان ۇزتازدار اۋلەتىنىڭ ءاربىر وكىلىنىڭ ەڭبەك ءوتىلىن قوسىپ ەسەپتەگەندە جالپى 374 جىلدى قۇرايدى ەكەن.
ۇستازدار ديناستياسى مولدابەكوۆ قاسەن سادۋاقاس ۇلىنان باستاۋ الىپتى, ول ءوز قىزمەتىن قاراقۇدىق مەكتەبىندە ماتەميتيكا ءپانىنىڭ مۇعالىمى بولىپ باستاپ, كەيىن مەكتەپ ديرەكتورى بولعان, جۇمىس ءوتىلى 42 جىلدى قۇراعان. ونىمەن بىرگە تۋعان قارىنداسى مۇقاشەۆا كۇلجامال سادۋاقاسقىزى, ءىنىسى قاسىمتاي سادۋاقاس ۇلى دا ءبىلىم سالاسىندا ەڭبەك ەتىپتى.
ولاردىڭ بالالارى - الما, مارجان, مانشۇك, باۋىرجان, قايىرجان وتباسىلىق ءداستۇردى جالعاستىرعان. ولار ەكىنشى ۇرپاق بۋىنىنداعى پەداگوگتەر.
اۋلەتتىڭ ءۇشىنشى بۋىنى قاسىمتايدىڭ كەلىندەرى – ايگۇل, زاۋرەش, ايگەرىم, سونداي-اق نەمەرەلەرى ينسار, الىبەك, ايسۇلۋ دا مۇعالىم ماماندىعىن تاڭداپتى.
ء«بىزدىڭ اۋلەتىمىز قاي ۋاقىتتا دا پەداگوگيكامەن تىعىز بايلانىستى بولىپ كەلدى. اتا-انالارىمىز بارلىق سانالى ومىرلەرىن وسكەلەڭ ۇرپاقتى وقىتۋ مەن تاربيەلەۋگە سارپ ەتتى, ولار وقۋشىلارىنا ءبىلىم عانا بەرىپ قويماي, ومىردە قاجەتتى قۇندىلىقتاردى سىڭىرۋگە تىرىستى. ءبىز كىشكەنتاي كەزىمىزدەن مۇنى كورىپ وستىك. ەندى مەنىڭ دە بالالارىم وتباسىندا كورگەن تاربيەنىڭ ۇلگىسىندە مۇعالىمدىك جولدى وزدەرى تاڭدادى. بۇل ءبىزدىڭ وتباسىلىق ءداستۇر عانا ەمەس, بالالارعا ءبىلىم بەرۋ, ولاردى ءوز بالاڭداي جاقسى كورۋ سەزىمىنىڭ, ۇرپاق الدىنداعى جاۋاپكەرشىلىكتىڭ بالالارىما بەرىلگەنى ءۇشىن كەۋدەمدى ماقتانىش كەرنەيدى», دەيدى قايىرجان مولدابەكوۆ.
