ەكى دۇنيە اراسى

سان-فرانتسيسكوداعى كالي­فورنيا ۋنيۆەرسيتەتىنىڭ عالىمدارى دەم ۇزىلەر ءساتتى بولجايتىن ساعات ويلاپ تاپتى. ونى ء«ولىم ساعاتى» دەپ اتادى. بۇل تۋرالى «New York Post» باسىلىمى جازدى.

قۇرىلعى قولعا تاعار ۋاقىتتا ارنايى ساۋالداما ارقىلى يەسىنىڭ دەنساۋلىعى تۋرالى اقپاراتتى جينايدى. ادامنىڭ سالماعىن, قانت دەڭگەيىن, قان قىسىمىن, ۇيقى ساپاسىن, فيزيكالىق بەلسەندىلىگىن, زياندى ادەتتەرىن, ءومىر ءسۇرۋ ۇزاقتىعىنا اسەر ەتەتىن باسقا فاكتورلاردى سارالايدى. سونىمەن قاتار الەۋمەتتىك ءومىرى مەن پسيحيكالىق كۇيىن دە باعالايدى. وسى كورسەتكىشتىڭ ءبارىن جاساندى ينتەللەكت زەردەلەپ, ءوزىنىڭ ەرەكشە فۋنكتسياسىنا سالادى. سولاي دۇنيەنىڭ بار عاجابىنان دا قىزىق, عالامنىڭ بار قاسىرەتىنەن دە قورقىنىشتى ء«ولىم» ۋاقىتى بەلگىلى بولادى.

عالىمدار سىرى كوپ ساعاتتىڭ ومىر­دەن وتەر كۇندى ءدال كورسەتەتىنىنە بەك سەنىپ وتىر. قۇرىلعى ءتىپتى بيولوگيالىق جاستى دا انىقتاپ بەرەدى. دەگەنمەن ولار ء«بىز مۇنى ادامداردى قورقىتۋ ياكي ءتۇڭىلدىرۋ ءۇشىن جاساعان جوقپىز. ءدال وسى ونەرتابىستىڭ ارتىندا ۇلكەن ەڭبەكپەن قاتار نازىك سىر جاتىر. ادام بالاسى جامانعا جولىقپاي, جاقسىنىڭ قادىرىن بىلمەيدى. قايعىنىڭ ءدامىن تاتپاي, قۋانىشتىڭ ءبيىن بيلەمەيدى. سول سەبەپتى دە عىلىم انىقتاپ بەرگەن ء«ولىم» كۇنىن كەيىنگە ىسىرىپ, اياۋ­لى ءومىرىن ۇزارتسا ەكەن دەيمىز. ءتىپتى قالاي ۇزارتۋ كەرەگىن دە ايتامىز. سوڭعى كۇنىمىز قالسا دا, ءومىردى وگەي كورمەسەك ەكەن», دەگەن انىقتاما جازعان.

اسەرلى. بىراق كوپشىلىك بۇل ساعاتتى تاعا ما؟ ءدال قازىر ءبىر ءسات وي­لانىپ كورىڭىزشى. «ال قالعانىن كورەرسىڭ پەشەنەڭنەن»...