فوتو قر مادەنيەت جانە اقپارات مينيسترلىگى
اتاۋلى شاراعا قازاقستاننىڭ قحر-داعى ەلشىلىگىنىڭ كەڭەسشى-ۋاكىلى اسقار شالقارباەۆ پەن ۇلتتىق مۋزەيدىڭ ديرەكتورى ايبەك سىدىقوۆ, پارتيا حاتشىسى جانە قىتايدىڭ مادەني جادىگەرلەر ورتالىعىنىڭ ديرەكتورى تان پين, تيانتسزين مۋزەيىنىڭ ديرەكتورى ياو يان, سونداي-اق مادەنيەت جانە تۋريزم باسقارماسىنىڭ, حالىق ۇكىمەتىنىڭ سىرتقى ىستەر باسقارماسىنىڭ وكىلدەرى قاتىستى.
«التىن ادام جانە ۇلى دالا» كورمەسىنە قازاقستان رەسپۋبليكاسى ۇلتتىق مۋزەيىنىڭ قورىنان 185 بىرەگەي ەكسپونات قويىلعان. كورمە ءۇش تاقىرىپتىق بلوكقا بولىنگەن. ولاردىڭ ارقايسىسى قازاق حالقىنىڭ ماتەريالدىق جانە رۋحاني مادەنيەتىنىڭ دامۋىنىڭ ءارتۇرلى اسپەكتىلەرىنە ارنالعان.
ەكسپوناتتار اراسىندا ەرتە تەمىر ءداۋىرىنىڭ ارتەفاكتىلەرى, ۇلى جىبەك جولى بويىندا ورنالاسقان قازاقستاننىڭ ورتاعاسىرلىق قالالارىنان تابىلعان زاتتار, سونداي-اق ءداستۇرلى زەرگەرلىك بۇيىمدار مەن ساندىك-قولدانبالى ونەر زاتتارى بار», دەلىنگەن مادەنيەت جانە اقپارات مينيسترلىگى ءباسپاسوز قىزمەتىنىڭ حابارلاماسىندا.
كورمە 2025 جىلدىڭ 12 اقپانىنا دەيىن جالعاسىپ, تيانتسزين تۇرعىندارى مەن قوناقتارى قازاقستاننىڭ باي مادەني مۇراسىمەن تانىسا الادى.
