فوتو اشىق دەرەككوزدەن
قر «ساۋدا قىزمەتىن رەتتەۋ تۋرالى» زاڭىنىڭ 9 بابىنا سايكەس كاسىپكەر الەۋمەتتىك ماڭىزى بار ازىق-ت ۇلىك تاۋارىنا ساتىپ الۋ باعاسىنىڭ ون بەس پايىزىنان اسپايتىن مولشەردە ۇستەمە قوسۋى كەرەك. زاڭنامادا كورسەتىلگەن ەرەجەگە باعىنباي, باعانى نەگىزسىز كوتەرگەن جوسىقسىز كاسىپكەرلەرگە جالپى سوماسى 1 ميلليون تەڭگەگە جۋىق قاراجات كولەمىندە ايىپپۇل سالىنىپ, قىسقارتىلعان تۇردە 461 500 تەڭگە ءوندىرىلدى.
«بۇل زاڭ بۇزۋشىلىقتار وڭىردەگى دەلدالدىق سحەمالاردى انىقتاۋ بويىنشا كوميسسيا جۇمىسىمەن قاتار, ۇلىتاۋ وبلىسىنىڭ ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى ماماندارىنىڭ ەلەكتروندىق شوت فاكتۋرالارعا تۇراقتى تالداۋ جۇرگىزۋىنىڭ ناتيجەسىندە بەلگىلى بولدى. زاڭ بۇزۋشىلىقتار الەۋمەتتىك ماڭىزى بار ازىق-ت ۇلىك تاۋارلارى تىزبەسىنە كىرەتىن سۇزبە, كۇنباعىس مايى, جۇمىرتقا, تاۋىق ەتى, قانت, كۇرىش جانە روجكي ونىمدەرىنىڭ باعاسىن نەگىزسىز كوتەرۋ كەزىندە انىقتالعان», دەلىنگەن قر ساۋدا جانە ينتەگراتسيا مينيسترلىگىنىڭ حابارلاماسىندا.
سونىمەن قاتار, قازاقستان رەسپۋبليكاسىندا جاريا شارت جاعدايىندا تاۋار وتكىزۋ كەزىندە تاۋارلاردىڭ باعا جاپسىرمالارىن ورنالاستىرماعان 11 جەكە كاسىپكەر قر «اكىمشىلىك قۇقىقبۇزۋشىلىق تۋرالى» كودەكسىنىڭ 193-بابى 4-تارماعىنا سايكەس جاۋاپكەرشىلىككە تارتىلىپ, قىسقارتىلعان تۇرىندە 129 220 تەڭگە كولەمىندە ايىپپۇل وندىرىلگەن. زاڭ بويىنشا تاۋار باعاسى ەل اۋماعىندا جاريا شارت جاعدايلارىندا ونى وتكىزۋ كەزىندە تەڭگەمەن كورسەتىلۋى قاجەت.
