فوتو سەناتتىڭ ءباسپاسوز قىزمەتى
اتوم ەنەرگەتيكاسىنىڭ ارتىقشىلىعى مەن قازاقستانداعى وسى سالانى دامىتۋدىڭ كەلەشەگى كەزدەسۋدىڭ نەگىزگى تاقىرىبى بولدى. سەناتورلار قازاقستاننىڭ يادرولىق ەنەرگەتيكانى دامىتۋعا الەۋەتى جەتكىلىكتى ەكەنىن جانە ۋراننىڭ مول قورى مەن بىلىكتى كادرلارى بار ەكەنىن اتاپ ءوتتى. سىرتتان كەلەتىن ەلەكتر ەنەرگياسىنا تاۋەلدىلىكتىڭ ارتا ءتۇسۋى جانە ءتاريفتىڭ كوتەرىلۋى ءتيىمدى اتوم ەنەرگياسىنىڭ قاجەتتىگىن كورسەتەدى.
«كۇن سايىن جاڭا پايدالى جانە وزىق تەحنولوگيالىق قۇرىلعىلار, ونىڭ ىشىندە اۆتوموبيلدەر مەن ۇيالى تەلەفوندار جاسالادى. اتوم ەلەكتر ستانسالارى دا تۇراقتى جوندەۋدەن ءوتىپ وتىرادى. ءۇشىنشى بۋىننان كەيىنگى يادرولىق رەاكتورلار وزدەرىنىڭ تيىمدىلىگىن دالەلدەپ ۇلگەردى جانە بىرقاتار ەلدەردە ءساتتى قولدانىلىپ كەلەدى», دەدى ناۋرىزباي بايقاداموۆ.
رۋسلان رۇستەموۆ ءوز كەزەگىندە قۇرىلىس 5 جىلدان 10 جىلعا دەيىن سوزىلاتىنىن جانە ونىڭ بارىسىندا كوپتەگەن جۇمىس ورىندارى اشىلاتىنىن, ول ەلىمىزدىڭ الەۋەتىن ەداۋىر ارتتىراتىنىن اتاپ ءوتتى. سەناتورلار سونداي-اق الماتىداعى يادرولىق فيزيكا ينستيتۋتىنىڭ جۇمىسى تۋرالى اقپاراتپەن ءبولىستى جانە ونىڭ ماڭىزدى عىلىمي جاڭالىقتارى تۋرالى ايتىپ بەردى.
