مەزگىل مەجەلەگەن مىندەتتەر

جولداۋدا ءبىرىنشى كەزەكتە ەكونوميكالىق دامۋعا باسا نازار اۋدارىلدى. الدىڭعى جولداۋلاردا قويىلعان بەلگىلى ءبىر مىندەتتەر ءالى دە شەشىلىپ جاتىر, ولار بيىلعى قۇجاتتا دا كورىنىس تاپقان. جولداۋدىڭ نەگىزگى باسىمدىقتارىنىڭ ىشىندە بيلىك جۇمىسىنىڭ نەگىزگى كورسەتكىشتەرىن قالاي قالىپتاستىرعانىن اتاپ وتۋگە بولادى. پرەزيدەنت بيلىك ادامداردىڭ ادىلدىككە دەگەن سۇرانىسىنا قۇلاق اساتىنىن جانە بۇل ءومىردىڭ كوپتەگەن سالاسىنا قاتىستى ەكەنىن اشىپ ايتتى. جولداۋدى ىسكە اسىرۋ جونىندەگى جالپىۇلتتىق ءىس-شارالار جوسپارى پايدا بولعان سوڭ, وندا ناتيجەلەردى قامتاماسىز ەتۋگە جاۋاپتىلار كورسەتىلەدى, وسىنىڭ ءبارى پرەزيدەنت اكىمشىلىگىنىڭ باقىلاۋىندا بولادى.

قازىر قوعامدىق سانادا ىرگەلى وزگەرىستەر بولىپ جاتىر. ازاماتتاردىڭ قۇقىقتىق مادەنيەت دەڭگەيى ارتىپ كەلەدى. جاڭا مىنەز-ق ۇلىق ۇلگىلەرى قالىپتاسىپ, جاڭا قۇندىلىقتار ورنىعۋ ۇستىندە. باسقاشا ايتقاندا, حالىق ەسكىگە ورالۋدى قالامايدى, بيلىك مۇنى ءىشىنارا ءتۇسىنىپ ۇلگەردى. سوندىقتان مەملەكەت باسشىسى ەلىشى­لىك وسى پروبلەمالاردى شەشۋگە باسىمدىق بەردى. قول جەتكەن جەتىستىكتەن كەرى شەگىنبەۋ – نارىق زاڭى. باستى كۇش-جىگەر حالىقتىڭ تابىسىن جۇمىلدىرۋعا باعىتتالادى.

پرەزيدەنتتىڭ بانكتەر تۋرالى جاڭا زاڭ قابىلداۋ, سالىقتىق اكىمشىلەندىرۋ كەزىندە جازالاۋ تاسىلىنەن باس تارتۋ ءتارىزدى بىرقاتار ۇسىنىسىن بولە-جارا ايتۋ كەرەك. جاڭا سالىق كودەكسىن قابىلداۋ ماسەلەسىندە اسىعىستىققا جول بەرىلمەيدى جانە زاڭدى ساپالى دەڭگەيدە دايىنداۋ ءۇشىن ونى قابىلداۋ كەلەسى جىلعا اۋىستىرىلدى. بۇل – ەكونوميكانى العا جىلجىتۋعا كومەكتەسەتىن ماڭىزدى قادام.

قىسقاسى, باعدارلامالىق قۇجاتتا قوعام ومىرىنە قاتىستى بارلىق سالا قامتىلدى. كوكەيدە جۇرگەن كوپ ساۋالعا جاۋاپ بەرىلدى. ەندىگى كەزەكتە مەزگىل مەجەلەگەن ماڭىزدى مىندەتتەردى ىسكە اسىرۋعا ءبارىمىز دە ءبىر كىسىدەي اتسالىسۋىمىز كەرەك.

ەدۋارد پولەتاەۆ,

ساياساتتانۋشى