سۋرەت: ru.freepik.com
«قازاقستاننىڭ ەنەرگەتيكا سالاسىن دامىتۋ شۇعىل شەشىمدەردى تالاپ ەتىپ وتىر. اتوم ەنەرگەتيكاسى – ەلىمىزدى ەنەرگيامەن قامتاماسىز ەتۋ ءارى ونىڭ ەكونوميكالىق تۇراقتىلىعىن قامتاماسىز ەتۋ جولىنداعى باستى قادام. قازاقستاننىڭ دامىعان ەلدەر قاتارىنا قوسىلۋى ءۇشىن اتوم ەلەكتر ستانساسى قاجەت. بۇگىنگى تاڭدا اەس بۇكىل الەمدە قارقىندى تۇردە پايدالانىلىپ كەلەدى جانە ەلىمىز ءۇشىن ەڭ جاقسى نۇسقانى تاڭداۋ – ءبىزدىڭ مىندەتىمىز», دەدى ن.بايقاداموۆ.
ارداگەرلەر مەن اۋدان تۇرعىندارى پرەزيدەنت جولداۋىندا ايتىلعان باستاماعا قولداۋ ءبىلدىرىپ, وزدەرىن تولعاندىرعان ساۋالدارىن قويدى. سەناتورلار اقساقالدارمەن كەزدەسۋدەن كەيىن تۇران اۋىلدىق وكرۋگىنىڭ تۇرعىندارىمەن پىكىرلەسىپ, جاسىل ەنەرگەتيكانىڭ ارتىقشىلىعى مەن اتوم ەنەرگەتيكاسىن دامىتۋ جوسپارى تۋرالى اڭگىمەلەدى. سونداي-اق ر.رۇستەموۆ تابيعي گازدى جەتكىزۋدەگى تۇراقسىزدىق پەن ونى ءوندىرۋدىڭ قىسقارۋى جاعدايىندا اتوم ەنەرگەتيكاسى ەل ەكونوميكاسىن دامىتۋدىڭ سەنىمدى كوزىنە اينالاتىنىن جەتكىزدى.
«اتوم ەلەكتر ستانسالارىنىڭ قۇرىلىسى دا جۇمىس ورىندارىن اشۋعا, جاڭا تەحنولوگيانى دامىتۋعا جانە ەلىمىزدىڭ تۇراقتى ەنەرگەتيكالىق بولاشاعىن قامتاماسىز ەتۋگە سەپتىگىن تيگىزەدى. بۇل ەكونوميكانى نىعايتىپ قانا قويماي, ەلەكتر قۋاتىنىڭ تاپشىلىعىن شەشۋدىڭ ءبىر جولى بولماق», دەدى ر.رۇستەموۆ.
