اتالعان باسىلىم ارنايى وڭدەلگەن قاعازدان جاسالعان. ياعني ونىڭ قۇرامىنا تابيعي وسىمدىك تالشىقتارى مەن اعاش تۇقىمدارى ەنگىزىلگەن. وقىرمان گازەتتى وقىپ بولعان سوڭ, ونى كىشكەنە بولشەكتەرگە ءبولىپ, توپىراققا وتىرعىزا الادى. ال سۋارعاندا تۇقىمدار بەلسەنىپ, گازەتتىڭ قالدىقتارى تولىقتاي بيولوگيالىق تۇردە ىدىرايدى. ناتيجەسىندە, بىرنەشە ايدان كەيىن گازەتتەن گۇلدەر نەمەسە اعاش كوشەتتەرى ءوسىپ شىعادى.
ەڭ كىشكەنتاي گازەت
فرانتسيانىڭ «Terra Nostra» گازەتى 2012 جىلى الەمدەگى ەڭ كىشكەنتاي باسىلىم رەتىندە گيننەسس رەكوردتار كىتابىنا ەندى.
كولەمى نەبارى 3,5ح2,5 سانتيمەتر عانا بولعاندىقتان, ونى تەك ميكروسكوپپەن وقۋعا بولادى. بۇل شاعىن باسىلىمدا ساياسي, مادەني جانە قوعامدىق تاقىرىپتار قامتىلىپ, ءداستۇرلى گازەت فورماتىنداعى ماقالالار ۇسىنىلدى. وسىلايشا, جوبا اۆتورلارى گازەتتىڭ تەك اقپارات جەتكىزۋشى قۇرال عانا ەمەس, سونىمەن قاتار ونەردىڭ, شىعارماشىلىقتىڭ, جاڭا تەحنولوگيالاردىڭ توعىسىندا داميتىن سالا ەكەنىن دالەلدەدى.
ەڭ اۋىر «ەتجەڭدى»
1987 جىلى شىققان «The Sunday New York Times» گازەتىنىڭ جەكسەنبىلىك ءنومىرى تاريحتا قالدى.
سول كۇنگى باسىلىمنىڭ باستى ەرەكشەلىگى – ونىڭ 1 612 بەتتەن تۇرۋى, سالماعىنىڭ 5,4 كيلوگرامعا جەتۋى. مۇندا ماقالالاردان بولەك, كومپانيالاردىڭ جارنامالارى كەڭىنەن جاريالاندى. وسىلايشا, گازەتتىڭ بۇل ءنومىرى اۋقىمدىلىعىمەن گيننەسس رەكوردتار كىتابىنا ەندى.
