فوتو: بايان سۇلەيمەنقىزى
اپتالىقتىڭ سپورت جۋرناليستيكاسى سالاسىنا ارنالعان «ەموتسيالارمەن ءبولىسۋ: سپورتتىق بۇقارالىق اقپارات قۇرالدارىنىڭ جانكۇيەرلەردىڭ اراسىندا قىزىعۋشىلىقتى قالىپتاستىرۋدا جانە ساقتاۋدا اسەرى» تاقىرىبىندا وتكەن پانەلدىك سەسسياسىن سپورت مەنەدجەر, جۋرناليست جىگەر ازبەرگەنوۆ جۇرگىزدى. ول سەسسياعا قاتىسۋشى سپيكەرلەرگە سپورت جۋرناليستيكاسىنىڭ قازىرگى جاي-كۇيى, باسەكەلەستىك ورتا قالىپتاستىرۋ, كادر دايىنداۋ, جۋرناليستىك ەتيكا, جالعان اقپارات, الەۋمەتتىك جەلىنىڭ اسەرى جونىندە ساۋالدار قويىپ, ويلارىن ورتاعا سالۋدى سۇرادى.
Qazsport تەلەارناسىنىڭ باس پروديۋسەرى ادىلەت قۇسايىنوۆ كادر ماسەلەسى وزەكتى بولىپ تۇرعانىن ايتتى.
«جۋرناليستيكا ماماندىعىندا وقىپ جۇرگەن جاستار تاجىريبەدەن وتۋگە كەلەدى. بىراق وقۋ بىتىرگەن سوڭ ەشقايسىسىن تابا الماي قالامىز. جاس ماماندار بۇل سالاعا كەلگىسى كەلمەيدى», دەدى پروديۋسەر.
ول سونىمەن قاتار سپورت جۋرناليستيكاسى بارلىق سپورت ءتۇرىن قامتيتىندىعىنا قاراماستان, كەز-كەلگەن سپورت تۇرىنە قاتىستى ساراپتاما جاساپ, پىكىرىن بىلدىرەتىن سپيكەرلەردىڭ, ونىڭ ىشىندە قازاق ءتىلدى مامانداردىڭ جوقتىعى سپورت جۋرناليستيكاسىندا نەگىزگى قيىندىق تۋدىرىپ وتىرعان ماسەلە ەكەنىنە توقتالدى.
تالقىلاۋ بارىسىندا قازىر كەز-كەلگەن ادام جەلىدە ارناسىن اشىپ سپورت تۋرالى ويىن ايتا الاتىنى, الەۋمەتتىك جەلىدە live فورماتتا ۆيدەو ءتۇسىرىپ, اقپارات تاراتاتىنى, سوندىقتان تەلەارناعا اقپاراتتىڭ وزگە دە قىرلارىن ۇسىنۋعا تۋرا كەلەتىنى, بۇل جۋرناليستەردەن ۇنەمى ىزدەنىس ۇستىندە بولۋدى تالاپ ەتەتىنى ءسوز بولدى. بۇعان قوسا ساۋاتتى سپورت جۋرناليستيكاسىن قالىپتاستىرۋ ماقساتىندا كوممەنتاتورلارعا ارنالعان سوزدىك دايىندالىپ جاتقانى ايتىلدى.
