بۇل – جەو ارنالعان گاز ينفراقۇرىلىمىنىڭ ءتورتىنشى نىسانى. ونىڭ ۇزىندىعى – 62,4 كم, ديامەترى – 530مم, وتكىزۋ قابىلەتى – ساعاتىنا 1 000 000 م3.
«بۇگىنگى كۇنى بارلىق جۇمىس اياقتالدى. وبەكتىنىڭ ماڭى رەتكە كەلتىرىلدى. گاز قۇبىرىنىڭ جۇمىسى تەكسەرىلدى. ماگيسترالدى گاز قۇبىرىنىڭ ەكىنشى تارماعى تۇتىنۋشىلاردى جانە جەو-2, جەو-3 نىساندارىن تابيعي گازبەن تۇراقتى تۇردە قامتاماسىز ەتۋگە ىقپال ەتەدى», دەدى نۇرلان جاقىپوۆ.
سونىمەن قاتار گاز تاسىمالداۋ جۇيەسىن كەڭەيتۋ قولدانىستاعى الماتى-بايسەركە-تالعار ءبىر جەلىلىك گاز قۇبىرىنىڭ توقتاپ قالۋىنا بايلانىستى توتەنشە جاعدايلاردى بولدىرماۋعا مۇمكىندىك بەرەدى.
«مەملەكەت باسشىسىنىڭ الماتى قالاسىنىڭ جىلۋ ەلەكتر ورتالىقتارىن گازداندىرۋ تۋرالى تاپسىرماسى اياسىندا «QazaqGaz» ۇلتتىق كومپانياسى «الماتى-بايسەركە-تالعار» مگق ەكىنشى تارماعىنىڭ قۇرىلىسىن اياقتادى. ءبىزدىڭ ەنشىلەس كومپانيامىز «ينتەرگاز ورتالىق ازيا» بارلىق جۇمىستى مەرزىمىنەن بۇرىن اياقتادى. وسى ورايدا جوبانىڭ ءساتتى جۇزەگە اسۋىنا قولداۋ بىلدىرگەن «سامۇرىق-قازىنا» قورى, الماتى قالاسى, الماتى وبلىسىنىڭ اكىمدىگىنە ەرەكشە العىسىمدى بىلدىرەمىن», دەدى سانجار جاركەشوۆ.
سىرتقى گاز ينفراقۇرىلىمىن دايىنداۋ ءتورت اۋقىمدى نىساننىڭ قۇرىلىسىن قامتىدى: جەو-2 جانە جەو-3 ەكى اۆتوماتتى گاز تاراتۋ ستانساسى, ولاردىڭ ونىمدىلىگى ساعاتىنا 250 جانە 150 مىڭ تەكشە مەتر. الماتى-بايسەركە-تالعار جانە قازاقستان-قىتاي گاز قۇبىرلارى اراسىنداعى ونىمدىلىگى ساعاتىنا 1 ملن تەكشە مەتردى قۇرايتىن تIP-04 گاز قۇبىرىن جالعاۋشى, سونداي-اق الماتى-بايسەركە-تالعار ماگيسترالدىق گاز قۇبىرىنىڭ ەكىنشى جەلىسى. 2023 جىلدىڭ قاراشا ايىندا ەكى اۆتوماتتى گاز تاراتۋ ستانساسى مەن تIP-04 گاز قۇبىرى مەرزىمىنەن بۇرىن پايدالانۋعا بەرىلدى.
الماتى جىلۋ ەلەكتر ستانسالارىن گازعا كوشىرۋ قالانىڭ ەكولوگيالىق احۋالىنىڭ جاقسارۋىنا ىقپال ەتەدى. سونىمەن قاتار الماتى قالاسى مەن الماتى وبلىسىنىڭ گاز تاسىمالداۋ جۇيەسىن كەڭەيتۋ, كاسىپكەرلىك پەن ونەركاسىپتىك كاسىپورىنداردىڭ دامۋىنا جاڭا سەرپىن بەرەدى. تيىسىنشە, جاڭا جۇمىس ورىندارى اشىلىپ, ءوڭىر ەكونوميكاسىنا مۋلتيپليكاتيۆتىك اسەر ەتەدى.
