سەناتور «اتامەكەن» ۇكپ ۇجىمىمەن جانە جەرگىلىكتى بيزنەس وكىلدەرىمەن كەزدەسۋدە ەنەرگەتيكا سالاسىنداعى رەفورمالاردىڭ ماڭىزدىلىعىنا توقتالدى. ەنەرگيا رەسۋرستارى جەتىسپەي وتىرعان قازىرگى جاعدايدا اتوم ەنەرگەتيكاسىن دامىتۋ – تالقىلاۋدىڭ نەگىزگى تاقىرىبى بولدى.
«اۋقىمدى رەفورمالاردى ىسكە اسىرۋ ءۇشىن رەفەرەندۋم وتكىزۋ جوسپارلانىپ وتىر. بۇل «حالىق ۇنىنە قۇلاق اساتىن مەملەكەت» تۇجىرىمداماسىنىڭ قاعيداتتارىنا سايكەس كەلەدى. حالىقتى اتوم ەنەرگياسىن پايدالانۋداعى ارتىقشىلىقتار مەن قاۋىپتەر تۋرالى حاباردار ەتۋ – مەملەكەتتىك ورگانداردىڭ نەگىزگى مىندەتتەرىنىڭ ءبىرى بولىپ تابىلادى. ءوز كەزەگىندە وتانداستارىمىزعا ءتۇسىندىرۋ شارالارى مەن اشىق ديالوگ وتكىزۋ – اشىقتىق پەن ءوزارا سىندارلى ءىس-قيمىلعا نەگىزدەلگەن جاڭا قوعامدىق-ساياسي مادەنيەتتىڭ نەگىزىن قالاۋعا كومەكتەسەدى», دەپ اتاپ ءوتتى سەناتور نۇعمانوۆ.
دەپۋتات سونىمەن قاتار «قازاقستان تەمىر جولى» اق اقتوبە باسقارماسىنىڭ قىزمەتكەرلەرىمەن دە كەزدەستى. جۇزدەسۋ بارىسىندا جاسىل ەنەرگەتيكانى دامىتۋ كەلەشەگىنە قاتىستى ماسەلەلەر تالقىلانىپ, كومپانيا قىزمەتكەرلەرىمەن اشىق ديالوگ جۇرگىزىلدى. كەزدەسۋگە قاتىسۋشىلار ساۋالدارىن قويىپ, رەفەرەندۋم تۋرالى باستاماعا قولداۋ ءبىلدىردى.
