ەڭبەك جولى – حالقىنا ادال قىزمەت ەتۋ ونەگەسى

پرەزيدەنت پوشتاسىنان مەملەكەت باسشىسىنىڭ اتىنا قاراعاندىداعى “ەۋرازيا” حالىقارالىق ەكونوميكالىق اكادەمياسىنىڭ اكادەميگى, پروفەسسور س.دوسماعامبەتوۆتەن جەدەلحات كەلىپ ءتۇستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اۆتور “قازاقستان رەسپۋبليكا­سى­نىڭ كەيبىر كونستيتۋتسيالىق زاڭ­دا­رى­نا قازاقستان رەسپۋبليكاسى تۇڭ­عىش پرەزيدەنتىنىڭ – ەلبا­سى­نىڭ قىزمەتىن قامتاماسىز ەتۋ سا­لاسىندا زاڭنامانى جەتىلدىرۋ ءما­سەلەلەرى بوي­ىنشا وزگەرىستەر مەن تولىقتىرۋلار ەنگىزۋ تۋرالى” زاڭنىڭ كۇشىنە ەنگەنىن زور قاناعاتتانۋشىلىقپەن قابىل العانىن حابارلايدى. اكادەميك 1991 جىلدىڭ وزىندە-اق نۇرسۇلتان ءابىش ۇلى نازارباەۆ تاۋەلسىز قازاقستاندى وركەندى ەلگە اينالدىرۋدى ماقسات ەتىپ قويعانىن ەسكە سالادى. “قىسقا مەرزىمدە ءسىز بۇل ءمىن­دەتتى ويداعىداي جۇزەگە اسىردىڭىز جانە بۇكىلالەمدىك تاريحقا جاڭا ەگەمەن دە تاۋەلسىز مەملەكەتتى قۇرۋشى رەتىندە ەندىڭىز. ءسىزدىڭ ەڭبەك جولىڭىز – ءوز حال­قىنا, ونىڭ مۇددەلەرىنە ادال قىزمەت ەتۋدىڭ جارقىن ونەگەسى. ءسىز ءبىزدىڭ ەلىمىزدە وندىرىستىك-شارۋا­شى­لىق جانە ساياسي باسقارۋدىڭ بارلىق باسپالداقتارىنان, كەزەڭدەرى مەن كەزدەرىنەن ءوتتىڭىز. الەمدىك پراك­تي­كادا مەملەكەت باسشىسى مەتاللۋرگ بولىپ جۇمىس ىستەپ, ءوندىرىس ۇجى­مىن, قالانى, وبلىستى جانە رەسپۋبليكانى باسقارۋ جونىندە زور تاجىريبەسىنىڭ بولۋى جانە ءوز ەلى ءۇشىن سونشالىقتى كوپ ءىس اتقارىپ ۇلگەرۋى بۇل – بىرەگەي وقيعا. ءسىز شىن مانىندەگى ەلباسىسىز! ءسىزدى ەڭبەك سىڭىرگەن مارتە­بە­ڭىزبەن – ەلباسىلىعىڭىزبەن شىن جۇرەكتەن قۇتتىقتايمىن. سىزگە مىقتى دەنساۋلىق, ۇزاق عۇمىر, ءسىزدىڭ باسشىلىعىڭىزبەن قازاقستاننىڭ وركەندەي بەرۋىن تىلەيمىز”, – دەلىنگەن جەدەلحاتتا.