اەس سالۋدان قورىقپاۋىمىز كەرەك – ءادىل جۇبانوۆ

كەزدەسۋدە ەنەرگيا تاپشىلىعى, ەنەرگەتيكالىق تاۋەلسىزدىك ماسەلەسى, سونداي-اق 6 قازاندا وتەتىن رەفەرەندۋم, اەس سالۋدىڭ ماڭىزدىلىعىن تالقىلادى.

«قازىر حالقى وتە تىعىز ورنالاسقان وڭتۇستىك وڭىردە ەنەرگيا تاپشىلىعى ايقىن سەزىلىپ ءجۇر. بۇل جاعداي بىرتىندەپ ەلىمىزدىڭ بارلىق ايماعىندا بايقالادى. سوندىقتان اەس سالۋدان قورىقپاۋىمىز كەرەك. ءبىزدىڭ مىندەتىمىز - وسكەلەڭ ۇرپاققا پايداعا اساتىن دۇنيە قالدىرۋ», دەدى ءماجىلىس دەپۋتاتى.

وبلىستىق حالىقتىق شتاب مۇشەسى, تەحنيكا عىلىمدارىنىڭ دوكتورى بەكەت كەنجەعۇلوۆتىڭ ايتۋىنشا, كۇن مەن جەل ەنەرگياسىنا قاراعاندا اەس سالۋدىڭ تيىمدىلىگى جوعارى.

«الەم بويىنشا 17 ەل اتوم ەنەرگەتيكاسى جونىندەگى حالىقارالىق اگەنتتىككە اەس سالۋعا نيەت بىلدىرگەن, ونىڭ ىشىندە قازاقستان دا بار. كۇن مەن جەل ەنەرگياسى تابيعاتقا تاۋەلدى. سوندىقتان ولارعا قاتتى سەنىم ارتۋعا بولمايدى. بالامالى ەنەرگيا كوزدەرىنىڭ پايدالانۋ مەرزىمى – 15 جىل بولسا, اەس-ءتىڭ جۇمىس ىستەۋ مەرزىمى 60-80 جىلعا دەيىن بارادى. قازاقستاندا ەكى رەاكتورلى اەس سالىنسا 2,4 گب توق كوزى پايدا بولادى. مامانداردىڭ ەسەبى بويىنشا ەلىمىزگە كەمىندە 4 جاڭا اەس قاجەت. سەبەبى, 2,4 گب توق كوزى ەلدەگى تاپشىلىقتى تولىق قامتىمايدى», دەدى شتاب مۇشەسى.