فوتو: www.gov.kz
زەينەتاقى جيناقتارىنىڭ 96,25% مولشەرى مزج ەسەبىنەن قالىپتاسقان, قازىرگى ۋاقىتتا ونىڭ كولەمى شامامەن 20,1 ترلن تەڭگەگە جەتتى ء(بىر جىلداعى ءوسىم – 23,9%, جىل باسىنان بەرى – 16,3%). مىندەتتى كاسىپتىك زەينەتاقى جارنالارى (مكزج) ەسەبىنەن زەينەتاقى جيناقتارى - 627 ملرد تەڭگە, ءبىر جىلداعى ءوسىم – 17,7%, ال جىل باسىنان بەرى 10,3% ارتتى. ەڭ ۇلكەن ءوسىمدى (جىلىنا 49,2%, جىل باسىنان بەرى - 33,2%) ەرىكتى زەينەتاقى جارنالارى (ەزج) بويىنشا جيناقتار كورسەتتى, ونىڭ كولەمى - 7 ملرد تەڭگە.
2024 جىلعى 1 قاڭتاردان باستاپ سالىمشىلاردىڭ (الۋشىلاردىڭ) زەينەتاقى شوتتارىنا قوسىمشا قاراجات – جۇمىس بەرۋشىنىڭ مىندەتتى زەينەتاقى جارنالارى (جمزج) تۇسە باستادى. 2024 جىلدىڭ 8 ايىندا جمزج ەسەبىنەن زەينەتاقى جيناقتارىنىڭ سوماسى شامامەن 148,9 ملرد تەڭگەگە جەتتى.
«زەينەتاقى جيناقتارىنىڭ كولەمى زەينەتاقى جارنالارى مەن ينۆەستيتسيالىق كىرىس تۇرىندەگى كىرىس اعىندارى ەسەبىنەن ۇلعايادى. 2024 جىلعى قاڭتار-تامىز ايلارىندا سالىمشىلاردىڭ شوتتارىنا تۇسكەن زەينەتاقى جارنالارى شامامەن 1,78 ترلن تەڭگە بولدى ء(وسىم وتكەن جىلعى كورسەتكىشپەن سالىستىرعاندا 29,5% نەمەسە 406,01 ملرد تەڭگەگە ارتىق). جارنالاردىڭ بارلىق تۇرلەرى وڭ سيپاتتى كورسەتتى: مزج ەسەپكە الىناتىن جەكە زەينەتاقى شوتتارىنا (جزش) جىل باسىنان بەرى 01.09.2024 جىلعا دەيىن 1,6 ترلن تەڭگە (بۇل وتكەن جىلدىڭ سايكەس كەزەڭىمەن سالىستىرعاندا 19,3% ارتىق) ءتۇستى, مكزج ەسەپكە الىناتىن جزش-عا شامامەن 75 ملرد تەڭگە ء(وسىم 19,3%), ەزج – 2,1 ملرد تەڭگە ء(وسىم 43,4%) جينالدى», دەلىنگەن بجزق حابارلاماسىندا.
بجزق سالىمشىلارىنىڭ جەكە جانە شارتتى زەينەتاقى شوتتارىنا ەسەپتەلگەن تازا ينۆەستيتسيالىق كىرىس جىل باسىنان بەرى شامامەن 1,9 ترلن تەڭگەگە جەتتى. بۇل سوما وتكەن جىلمەن سالىستىرعاندا 883,05 ملرد جۋىق تەڭگەگە (نەمەسە 85,3%) ارتىق.
